Daxili İşlər Nazirliyinin məlumatına görə, Köhnə Tbilisinin baş
bölməsinin əməkdaşları 1987-ci il təvəllüdlü şəxsi ağırlaşdırıcı
şəraitdə adam öldürməyə cəhd
və qanunsuz partlayıcı qurğunun alınması və saxlanması ittihamı ilə
saxlayıblar.
“İstintaq müəyyən edib ki, oktyabrın 22-də Tbilisidə,
Lagidze küçəsində təqsirləndirilən şəxs 4 nəfərlə mübahisə edib, bu
zaman o, əl qumbarasını onların istiqamətinə ataraq hadisə yerindən
gizlənib.
Əl qumbarasının partlaması nəticəsində 3 nəfər xəsarət alıb:
1994-cü il təvəllüdlü L.B., 1991-ci il təvəllüdlü Q.A. və 1983-cü
il təvəllüdlü Q.Z Onların hər üçünə xəstəxanada müvafiq tibbi
yardım göstərilir. Polis hadisədən bir neçə saat sonra
təqsirləndirilən şəxsi saxlayıb", - Daxili İşlər
Nazirliyi bildirir.
Agentliyin məlumatına görə, üç nəfərə qarşı ağırlaşdırıcı şəraitdə
adam öldürməyə cəhd, o cümlədən qanunsuz partlayıcı qurğunun
alınması, saxlanması və gəzdirilməsi faktı üzrə Gürcüstan Cinayət
Məcəlləsinin 19-109 və 236-cı maddələri ilə istintaq aparılır.
Cinayət 16 ildən 20 ilədək və ya ömürlük həbslə cəzalandırılır.