“Dövlət mülkiyyətində olan otlaqlara çıxış” proqramı çərçivəsində
altıncı mərhələdə hərrac yolu ilə icarəyə veriləcək otlaqlar
kateqoriyasına aid kənd təsərrüfatı təyinatlı torpaq sahələrinin
məlumatları seçilərək dərc edilib.
Verilən məlumata görə, otlaq sahələrinin icarəyə verilməsi ilə
bağlı müraciətlərin qəbulu noyabrın 14-dən başlayıb və yanvarın
10-dək davam edəcək.
“Samsxe-Cavaxeti, Kvemo Kartli, Şida Kartli, Kaxeti,
Mtsxeta-Mtianeti, İmereti, Sameqrelo-Zemo Svaneti, Raça-Leçxumi və
Kvemo Svaneti bölgələrinin 113 otlaq sahəsinin məlumatları
açıqlanıb. Onlardan Aspindza - 1, Axaltsixe - 1, Ninotsminda - 6,
Borjomi - 8, Dmanisi - 22, Tetritskaro - 1, Tsalka - 2, Saqareco -
3, Dedoplistskaro - 19, Telavi - 5, Siğnaği - 3, Kvareli-12 ,
Axmeta - 4, Mtsxeta - 1, Kazbegi - 1, Qori - 3, Kaspi - 1, Kareli -
2, Tskaltubo - 13, Bağdati - 1, Senak - 2, Oni - 2.
“Dövlət mülkiyyətində olan otlaqların əlçatan edilməsi üzrə Dövlət
Proqramı” çərçivəsində icarəyə götürülmüş dövlət otlaq sahələrinə
dair məlumatlar beş mərhələdə, ümumi sahəsi 36 min 387 hektar olan
317 vahid otlaq sahəsi üzrə dərc edilib.
196 saylı kadastr məcəlləsi ilə 25549 ha otlaq sahəsinin icarəyə
verilməsi üçün potensial icarəçi seçilmişdir. Ümumi sahəsi 10 607
ha olan 61 torpaq sahəsi üzrə hərrac keçirilib. 105 torpaq sahəsi
birbaşa iştirakçılara veriləcək və dekabrda müqavilələr bağlanacaq.
Ətraflı məlumatı Dayanıqlı Torpaq İdarəetmə və Torpaqdan İstifadə
Monitorinqi üzrə Milli Agentliyin və Gürcüstanın Ətraf Mühit və
Kənd Təsərrüfatı Nazirliyinin (www.land.gov.ge www.mepa.gov.ge)
internet saytlarında, həmçinin agentliyin rəsmi Facebook
səhifəsindən almaq olar.
2021-ci il oktyabrın 6-da Gürcüstan hökuməti “dövlət mülkiyyətində
olan otlaqlara çıxış” dövlət proqramını təsdiqləyib. Proqram
iribuynuzlu və xırdabuynuzlu heyvanları olan fermerlərə üç illik
icarə müqaviləsi çərçivəsində istədikləri örüş sahəsini hərrac yolu
ilə əldə etmək imkanı verir. Proqram otlaqlar üçün qanuni şəxsi
məsuliyyət yaratmaqla onlardan səmərəli istifadəni təşviq edəcək,
onların deqradasiyadan qorunmasına və eyni zamanda heyvandarlığın
inkişafına kömək edəcək”, - deyə məlumatda
bildirilir.