Gürcüstanda "Xarici agentlər" haqqında qanun layihəsinin qəbulu
ölkənin Avropa İttifaqına daxil olmasına əngəl törədəcək.
Bunu İsveçin xarici işlər naziri Tobias Billström bildirib.
Nazirin sözlərinə görə, namizəd statusu Gürcüstan üçün tarixi
fürsətdir:
"Aİ Gürcüstana namizəd statusu verməklə gürcü xalqının
Avropa istəklərini dəstəklədiyini göstərdi. Canlı və müstəqil
vətəndaş cəmiyyəti Gürcüstanın Avropa İttifaqına doğru
irəliləməsində mühüm rol oynayır".
Billström deyib ki, İsveç Gürcüstandakı etirazları diqqətlə izləyir
və dinc nümayişçilərə qarşı zorakılığı pisləyir:
"Sərbəst toplaşmaq azadlığına hörmət
edilməlidir".
Qeyd edək ki, mayın 1-də Gürcüstan parlamenti “Xarici təsirin
şəffaflığı haqqında” qanun layihəsini ikinci oxunuşda qəbul
edib.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.