Վրաստանի ենթակառուցվածքների նախարարության Միավորված ջրամատակարարման ընկերությունը Քվեմո Քարթլիի տարածաշրջանում՝

Մառնեուլի և Բոլնիսի քաղաքներում, ջրամատակարարման համակարգի մոնիտորինգի ընթացքում հայտնաբերել է ապօրինի միացման մի քանի դեպք։ Տարածված տեղեկատվության համաձայն՝ ստուգումները իրականացրել են ընկերության տեխնիկական խմբերը։

Պարզվել է, որ որոշ առանձին օբյեկտներ ջրամատակարարման և կոյուղու ենթակառուցվածքներից օգտվում էին առանց համապատասխան իրավական հիմքի։

Ընկերությունը նշում է, որ ցանցի վերահսկումն ու մոնիտորինգը շարունակվում է ամբողջ երկրում անընդհատ ռեժիմով։

Վրաստանի Միավորված ջրամատակարարման ընկերությունը քաղաքացիներին կոչ է անում ջրամատակարարման և կոյուղու ծառայություններից օգտվել միայն օրենքով սահմանված կարգով։