Մառնեուլիի քաղաքապետարանը փողոցների վերանորոգման  համար 1 593 012 լարիի մրցույթ է հայտարարել:

Աշխատանքները կընդգրկեն Ալգեթիի, Բերիտաշվիլիի, Ղարկարաշվիլիի և Ուիարաղոյի փողոցները:

Մրցույթի փաստաթղթերի համաձայն՝ ծրագրի նպատակն է նախագծվող տարածքում բնակվող բնակչությանը կապել մայրուղու և երկրի այլ շրջանների հետ:

«Վրաստանի շրջանների բնակչության սոցիալ-տնտեսական պայմանների բարելավման նպատակով մեծ նշանակություն ունի առկա ճանապարհների վերականգնում-վերանորոգումը և դրանց սարքին, անխափան գործունեությունը: Այս

ավտոճանապարհի միջոցով իրականացվում է նախագծվող տարածքում բնակվող բնակչության կապը մայրուղային ճանապարհի և, համապատասխանաբար, երկրի շրջանների հետ: Նախագծվող ճանապարհի վերանորոգումը՝ տեխնիկական պարամետրերի բարելավումը, ճանապարհային ծածկույթի տեղադրումը և երթևեկության անվտանգության համար ճանապարհների հագեցումը ժամանակակից տարրերով, էապես կնպաստեն ավտոմոբիլային տրանսպորտի անվտանգ տեղաշարժին և, հետևաբար, բնակչության սոցիալ-տնտեսական պայմանների բարելավմանը», - նշված է մրցույթի փաստաթղթերում:

Հայտերի ընդունումը կսկսվի 2026 թվականի սեպտեմբերի 6-ից և կշարունակվի մինչև սեպտեմբերի 9-ը: Հաղթող ճանաչված ընկերությունը պարտավոր կլինի աշխատանքներն իրականացնել պայմանագրի կնքումից հետո 180 օրացուցային օրվա ընթացքում:

Հարկ է նշել, որ տեղական ինքնակառավարման մարմինը նախորդ ամիս նույնպես հայտարարել էր մրցույթ փողոցների վերանորոգման համար, որտեղ ընդգրկված էին նաև նշված տարածքները, սակայն մրցույթը չէր կայացել: