Քաղաք Մառնեուլիի փողոցների
համարակալման համար հայտարարվել է 5986 լարիի մրցույթ
Քաղաք Մառնեուլիում Ռուսթավելի փողոցի անվանման և համարակալման
աշխատանքների ավարտից հետո , Մառնեուլիի քաղաքապետարանը ևս երկու ՝
Ժորդանիա և Կոստավա փողոցներում նախատեսում է իրականացնել նմանատիպ
աշխատանքներ։
Մառնեուլիի քաղաքապետարանը մրցույթը հայտարարել է փետրվարի 7-ին։
Մասնակցել ցանկացող ընկերություններ մասնակցության հայտեր կարող են
ներկայացնել փետրվարի 15-17 ընկած ժամանակահատվածում։
Մրցույթի պայմանների համաձայն, հաղթող ընկերությունը պայմանագրի
կնքման պահից 20 օրացույցային օրում պետք է ավարտի աշխատանքները։
Մառնեուլիի քաղաքապետ Զաուր Դարգալին «Ռադիո Մառնեուլիի» հետ
զրույցում ասել է , որ քաղաքում փողոցների անվանակալման և
համարակալման աշխատանքները ակտիվորեն են ընթանում։ Քաղաքապետարանը
փողոցների համարակալումը նախատեսում է ավարտել մինչև տարեվերջ։
«Ակտիվորեն շարունակում ենք փողոցների համարակալումը։
Ռուսթավելիից հետո համարակալվուն են երկու մեծ ՝ Ժորդանիա և Կոստավա
փողոցները։ Այնուհետև ,մինչև տարեվերջ քաղաքում աստիճանաբար ավարտին
կհասցնենք աշխատանքները։ Մտածում եմ , որ քաղաքի հետ մեկտեղ մեծ
գյուղերում նույնպես պետք է տեղի ունենա համարակալում։ Ես սա նշել եմ
մի քանի անգամ։ Այս գործընթացը նույնպես կսկսենք։ Առաջին հերթին դեռ
պետք է այս գործը ավարտին հասցնենք քաղաքաում»,- ասել է
Զաուր Դարգալին։
Հիշեցնենք , որ քաղաքապետարանը համարակալման առաջին մրցույթը
հայտարարել է 2019 թվականի սեպտեմբերի 11-ին։ Մրցույթին մասնակցել է
երեք ընկերություն։ Տեղական ինքնակառավարումը պայմանագիրը կնքել էր
գործարար Թամար Մաճավարիանիի հետ , ով առաջարկել էր 7359
լարի։
13․02․2020
«Ռադիո Մառնեուլի»
Թարգմ․ ՝ Մարգարիտա Միսկարյան