Պետական աուդիտի ծառայության եզրակացության համաձայն՝ Մառնեուլիի
քաղաքապետարանը 2019-2021 թվականներին 39 գյուղերի ջրի որակի
լաբորատոր ուսումնասիրություն է անցկացրել,
ըստ որի՝ 33 գյուղերում խմելու ջրի որակը չի համապատասխանում
տեխնիկական կանոնակարգով սահմանված մակարդակին։
«
Նաեւ քաղաքապետարանի 14 մանկապարտեզներում կատարված
հետազոտությոիններից 7-ում նորմայից շեղումներ են հայտնաբերվել։
Այդուհանդերձ, քաղաքապետարանը համապատասխան միջոցներ չի ձեռնարկել
խնդիրը լուծելու համար»,- նշված է աուդիտորական ծառայության
եզրակացության մեջ։
Աուդիտի ծառայության եզրակացության համաձայն՝ Մառնեուլիի
քաղաքապետարանը 2019-2020 թվականներին ջրամատակարարման համակարգերի
կառուցման և վերականգնման վրա ծախսել է 7 մլն 517 հազար լարի, սակայն
կատարված աշխատանքները անբավարար են և չեն կարող բավարարել խմելու ջրի
պահանջարկը։
«
Աուդիտի ժամանակահատվածում քաղաքապետարանում բնակվող 20436
ընտանիքից մշտական ջրից օգտվում է միայն 1040 ընտանիք, 13037 ընտանիք
ապահովված է ժամանակացույցով, 4016 ընտանիք ուշացումով, իսկ 2343
ընտանիքին ջուր չի տրամադրվում քաղաքապետարանի կողմից»։
Պետական աուդիտի գրասենյակը կոչ է անում Մառնեուլիի քաղաքապետարանին
սակրեբուլոյի հետ համաձայնեցված պլանավորել և իրականացնել համալիր
միջոցառումներ, որոնք կապահովեն ջրամատակարարման և ջրի որակի
բարելավումը ողջամիտ ժամկետում։
«Ռադիո Մառնեուլի»
Թարգմ․ ՝ Մարգարիտա Միսկարյան