Մառնեուլիի քաղաքապետարանի առաջին հարկը կվերականորոգվի։
Մառնեուլիի քաղաքապետարանի տեղական ինքնակառավարումը մրցույթ է
հայտարարել քաղաքապետարանի վերականգնողական/վերակառուցման
աշխատանքների գնման համար։
235 396 լարի արժողությամբ մրցույթի համաձայն՝ քաղաքապետարանի շենքի
առաջին հարկում, բնակչության հետ կապը բարելավելու նպատակով,
կավելացվի սենյակների տարածքը և տարածքը կհատկացվի որպես միջանկյալ
օղակ։ Գրասենյակի տարածքը մեծացնելու համար անհրաժեշտ է օգտագործել
քաղաքապետարանի դահլիճի մի մասը, ինչի արդյունքում քաղաքապետարանի
դահլիճում աստիճաններ չեն լինի։
«
Վերոնշյալը նախատեսում է նաև այլ լրացուցիչ աշխատանքներ՝
ապակեպատում, աստիճանների երկուսով ավելացում և թեքահարթակի
կազմակերպում։ Նաև առաջին հարկում նախագծով նախատեսվում է ներկել
միջանցքի պատերը և փոխել դռները։ Առաջին հարկի որոշ սենյակներ
վերանորոգման փուլում են»,- նշված է քաղաքապետարանի շենքի
վերականգնման/վերակառուցման նախագծային-ծախսային փաստաթղթում ։
Նախագծային-ծախսային փաստաթղթերի համաձայն՝ նախատեսվում է վերանորոգել
քաղաքապետարանի երկրորդ հարկում գործող սանհանգույցը և գործող
աշխատասենյակներում նոր սանիտարական հանգույց կազմակերպել, իսկ
քաղաքապետարանի երրորդ հարկում նախատեսված է աստիճանների ներկում։
Մառնեուլիի քաղաքապետարանի տեղական ինքնակառավարումը մարտի 18-ին
հայտարարել է քաղաքապետարանի վերականգնման/վերակառուցման մրցույթ։
Դրան մասնակցել ցանկացող ընկերությունները հայտերը կարող են
ներկայացնել ապրիլի 3-ից 8-ը։ Մրցութային փաստաթղթերի համաձայն՝
հաղթող ընկերությունը պետք է աշխատանքները ավարտի պայմանագրի
ստորագրումից հետո 90 օրացուցային օրվա ընթացքում։
Նշենք, որ Մառնեուլիի քաղաքապետարանի առաջին հարկի բարեկարգումը
նախաձեռնել է Մառնեուլիի նախկին քաղաքապետ Զաուր Դարգալին, ով
քաղաքապետի օրոք ասել էր, որ առաջին հարկում եռալեզու տարածք է
ստեղծվելու, որտեղ քաղաքացիները կստանան իրենց ուզածը տեղեկատվություն
իրենց լեզվով: 2021 թվականին քաղաքապետարանի առաջին հարկի
վերականգնման համար բյուջեից հատկացվել է 190 000 լարի, սակայն նախորդ
տարի աշխատանքները չեն կարողացել իրականացվել։
«Ռադիո Մառնեուլի»
Թարգմ․ ՝ Մարգարիտա Միսկարյան