Ուսուցիչների և առարկայական ու մասնագիտական հմտությունների քննությունների դասավանդմամբ հետաքրքրվողների գրանցումը սկսվել է։ Գրանցման ժամկետներն են մարտի 29-ը ժամը 10:00-ից մինչև ապրիլի 14-ը, ժամը 18:00-ն:

Գրանցումը կատարվում է միայն էլեկտրոնային եղանակով՝ Գնահատման և քննությունների ազգային կենտրոնի online.naec.ge կայքում։

Այս տարի առաջին անգամ մայրենի լեզվի քննություն հանձնելու հնարավորություն է տրվում ոչ վրացալեզու դպրոցների ուսուցիչներին։ Նման ուսուցիչ Մառնեուլիում 370-ն են, իսկ երկրում՝ 700։ Էլմիրա Թարզիանին արդեն 47 տարի հայոց լեզու և գրականություն է դասավանդում Մառնեուլիում։ Նա անցել է հմտությունները և այժմ պատրաստվում է առարկայական քննությանը: Եթե նա անցնի, կստանա ավագ ուսուցչի կարգավիճակ եւ բարձրացված աշխատավարձ կստանա։ Ուսուցչուհին արդեն ծանոթացել է քննական ծրագրին։ Կարծում է, որ քննությունը դժվար կլինի տարրական դասարանի ուսուցիչների համար:

«Անպայման կգրանցվեմ, այս քննությունը շատ կարևոր է, քանի որ մյուս ուսուցիչների համեմատ անհավասար պայմաններում էինք, հիմա կփորձենք հանձնել և հավասարեցնել կարգավիճակը։ Տեսնենք, թե ինչ կլինի: Թեստերը դեռ չկան, ծրագիրը հրապարակված է, և կարծում եմ՝ տարրական դասարանների ուսուցիչների համար դժվար կլինի»:

Ինչպես Էլմիրան, այնպես էլ Սամիրա Իբրագիմովան չի կարողացել ավագ ուսուցչի կարգավիճակ ստանալ։

«Դեռ չեմ գրանցվել, բայց անպայման գրանցվելու եմ, սա կարեւոր հնարավորություն է ինձ համար։ Ծանոթացա նաեւ քննական ծրագրին»,- ասել է Մառնեուլիի թիվ 1 հանրային դպրոցի ուսուցչուհի Սամիրա Իբրագիմովան։

«Ռադիո Մառնեուլին» փետրվարի 4-ին նյութ է պատրաստել նաև ոչ վրացալեզու դպրոցներում ադրբեջաներեն լեզվի և գրականության ուսուցիչների մասնագիտական առաջխաղացման հնարավորության և հայոց լեզվի և գրականության վերաբերյալ: Այնուհետև Ուսուցիչների մասնագիտական զարգացման ազգային կենտրոնի ոչ վրացական դպրոցների աջակցության ծրագրի ղեկավար Նինո Բերիկաշվիլին մեզ ասել է, որ ուսուցիչների գիտելիքները քննության ընթացքում կգնահատվեն մի քանի բաղադրիչներով։

«Այս ամենը կարեւոր է, քանի որ հենց իրենք՝ ուսուցիչները, միշտ մեծ ցավով են վերաբերվել այս հարցին եւ մտածել են, որ տարբեր պայմաններում են հայտնվել։ Բոլոր ուսուցիչները, ովքեր կորոշեն մասնակցել քննությանը, բնականաբար կսկսեն վերապատրաստվել։ Քննության հարցերը կազմված են այնպես, որ դրանք պահանջում են բարձր կոմպետենտություն: Դա ուսումնական ծրագրի հիմնական պահանջների կամ առարկայի դասավանդման համար անհրաժեշտ լեզվական-գրական նյութի իմացությունն է։ Օգտագործել գնահատման տարբեր մեթոդներ, ըմբռնել տեքստը և այլն, բարձրացնել նրանց կարողությունները: Առարկայական քննություն հանձնած բոլոր ուսուցիչները կփոխեն իրենց կարգավիճակը, իսկ կարգավիճակի փոփոխությունն ակնհայտորեն կազդի նրանց վարձատրության վրա»։

Գնահատման և քննությունների ազգային կենտրոնում պարզաբանում են, որ երկու առարկաներից էլ քննական առաջադրանքների բազան պատրաստ է։ Աշխատանքներ են տարվում քննական թեստերի վերջնական նախագծման ուղղությամբ։ Կենտրոնի փորձագետները համագործակցում են Ադրբեջանի քննական կենտրոնի հետ, բացի այդ, հրավիրված են առաջատար հայագետներ։

Գնահատման և քննությունների ազգային կենտրոնը կընտրի ուղղիչներին և կվերապատրաստի նրանց ապրիլ-մայիս-հունիս ամիսներին։ Կուղղվի կենտրոնի կողմից ընտրված փորձագետների կողմից։ Այս քննությունները նույնպես կանցկացվեն ուսուցիչների քննություններին զուգահեռ։ Բոլոր անհրաժեշտ տեղեկատվությունը (ծրագիր, թեստային նմուշներ) արդեն հրապարակվել է մեր կայքում»,- ասել են «Ռադիո Մարնեուլի»-ին քննությունների ազգային կենտրոնից։

Իրավասություն հաստատող թեստավորման շրջանակներում կստուգվի ՝


«Ռադիո Մառնեուլի»
Թարգմ․ ՝ Մարգարիտա Միսկարյան