Մառնեուլիի քաղաքապետարանը նախատեսում է վերանորոգել Խոժոռնիի և Ծերեթելիի վարչական շենքերը
Մառնեուլիի մունիցիպալիտետի տեղական ինքնակառավարումը նախատեսում է
վերանորոգել Խոժոռնի և Ծերեթելի գյուղերի վարչական շենքերը։
Մառնեուլիի քաղաքապետարանը 11 864 լարիի մրցույթ է հայտարարել երկու
վարչական շենքերի վերականգնման նախագծային-ծախսային փաստաթղթերի
ձեռքբերման համար։
Մառնեուլիի քաղաքապետարանի հրապարակած տեղեկատվության համաձայն՝
նախատեսվում է Խոժոռնի գյուղի վարչական շենքի վերականգնումը և պետք է
թարմացվի ջեռուցման, էլեկտրաէներգիայի և հրդեհային անվտանգության
համակարգերը։ Ինչ վերաբերում է Ծերեթելի գյուղին, ապա կբարեկարգվի
վարչական շենքը, կկազմակերպվեն ջեռուցման, էլեկտրականության և
հրդեհային անվտանգության նոր համակարգեր, ինչպես նաև վարչական միավորի
շենքի բակը։
Մառնեուլիի քաղաքապետարանի Ծերեթելի գյուղի վարչական միավորի շենքի
վերականգնման և բակերի բարեկարգման նախահաշվային արժեքը կազմում է
80000 լարի, իսկ Խոժոռնի գյուղի վարչական միավորի շենքի վերականգնման
նախահաշվային արժեքը՝ 70000 լարի։
Խոժոռնի և Ծերեթելի գյուղերի վարչական շենքերի վերականգնման
նախագծա-ծախսային փաստաթղթերի մրցույթին մասնակցելու համար կարող են
առաջարկներ ներկայացնել ապրիլի 1-ից ապրիլի 4-ն ընկած
ժամանակահատվածում։
«Ռադիո Մառնեուլի»
Թարգմ․ ՝ Մարգարիտա Միսկարյան