Այսօր՝ ապրիլի 8-ին, տեղի է ունեցել Մառնեուլիի քաղաքապետարանի սոցիալական հարցերի հանձնաժողովի նիստը։ Նիստում հանձնաժողովի անդամները քննարկել են քաղաքացիների հայտարարությունները, լսել մշակույթի, սպորտի և երիտասարդության ծառայության ներկայացուցիչներին և քննարկել նրանց աշխատանքը։ «Ռադիո Մարնեուլի»-ի հետ զրույցում Մառնեուլիի սակրեբուլոյի ենթակառուցվածքների, տարածքային պլանավորման հանձնաժողովի նախագահ, Սոցիալական հարցերի հանձնաժողովի անդամ Ադիլ Ալիևը հայտնել է, որ քաղաքապետարանի աշխատակիցները հաշվետվություն են ներկայացրել հանձնաժողովին։

«Տեղեկացնում եմ, որ առնվազն ամիսը մեկ անգամ ավագանու նիստերն են անցկացվում, բացի այդ, այդ նիստում կքննարկվեն տարբեր հարցեր՝ սոցիալական, ենթակառուցվածքային, գույքային եւ այլն։ Ուստի, մինչ այդ հարցերի լուծումը, հանձնաժողովը պարտավոր է սակրեբուլոյի նիստում քննարկել և ընդունել համապատասխան կանոնակարգ։ Այնուհետև այն կուղարկվի Սակրեբուլոյի բյուրո և բյուրոյի հաստատումից հետո կսկսվի քվեարկության ընթացակարգը», - ասում է Ադիլ Ալիևը։

Քաղաքային խորհրդի սոցիալական հարցերի հանձնաժողովի նիստում լսվել է Մառնեուլիի քաղաքապետարանի կրթության, մշակույթի, սպորտի և երիտասարդության հարցերի վարչության հաշվետվությունը։ Հանձնաժողովի անդամ Ադիլ Ալիևի խոսքով՝ զեկույցը լսելուց հետո հանձնաժողովի անդամները կքննարկեն հարցը և դիտողությունների դեպքում կդիմեն քաղաքապետարան՝ հանձնաժողովի կողմից արձանագրված թերությունները շտկելու առաջարկությամբ։

«Ռադիո Մառնեուլի»
Թարգմ․ ՝ Մարգարիտա Միսկարյան