Ընտանեկան բռնության խնդիրների մասին իրազեկվածությունը բարձրացնելու
նպատակով այսօր՝ մայիսի 11-ին, Մառնեուլիում անցկացվեց սիմուլյացիոն
խաղ։
Դասընթացի մոդուլը բաղկացած է 8 տարբեր բռնության ենթարկված կանանց
պատմություններից, որոնք հարմարեցված են վրացական իրականությանը։
«Ռադիո Մառնեուլի»-ի հետ զրույցում Կանանց տեղեկատվական կենտրոնի
ծրագրի համակարգող Նանա Չիկովանին ասաց, որ սիմուլյացիոն խաղը և
քննարկումը նոր ուսուցման մոդուլ է, որն ուղղված է կանանց և ընտանեկան
բռնության մասին իրազեկվածության բարձրացմանը:
Կանանց տեղեկատվական կենտրոնի թրեյներ և փորձագետ Մայա
Կուպրավա-Շարվաշիձեն ասաց, որ շատ կարևոր է վերապատրաստման մոդուլը,
որի օգնությամբ մասնակիցներն իրենց դնում են բռնության ենթարկված կնոջ
տեղ։
"
Թրեյնինգը ընդամենը երկու ժամ է տևել, եւ մենք շատ բան ենք
հասցրել այս երկու ժամվա ընթացքում։ Առաջինը զոհի հանդեպ կարեկցանք
ցուցաբերելն է, երկրորդը՝ հասկանալ, թե զոհն ինչ ճանապարհով է գնում։
Ընդհանուր առմամբ, այս թրեյնինգի նպատակն է իմանալ, թե ինչպես կարող
ենք օգնել ուրիշներին և զարգացնել կարեկցանքը: Այստեղ մենք
արձանագրում ենք, թե ինչ է կատարվում երկրում, ինչ տեսակի
ծառայություններ ունենք, ինչպես կարող ենք օգնել նրանց, ինչ է անում
պետությունն այս պահին և ինչ պետք է անի մեզանից յուրաքանչյուրը
տուժածներին աջակցելու համար" - ասել է Մայա
Կուպրավա-Շարվաշիձեն։
Դասընթացի մասնակից Ֆարիզ Դաշդամիրովը «Ռադիո Մարնեուլի»-ին ասաց, որ
ինքը ավելի լավ է հասկանում, թե ինչ կանայք են բռնության ենթարկվել և
ինչի միջով են նրանք ստիպված անցնում սիմուլյացիոն խաղի միջոցով:
Հույս ունենք, որ քաղաքապետարանում նմանատիպ հանդիպումները
կշարունակվեն ապագայում ևս։
Դասընթացն անցկացվել է Կանանց տեղեկատվական կենտրոնի կողմից՝ ՄԱԿ-ի
Կանանց աջակցությամբ։ Ծրագրի շրջանակներում նախատեսվում են
դասընթացներ Քվեմո Քարթլիում և Գուրիայում: Ինչպես նշեց Կանանց
տեղեկատվական կենտրոնի ծրագրերի համակարգող Նանա Չիկովանին, երկու
տարվա համար նախատեսված է ընդհանուր առմամբ 80 թրեյնինգ։
«Ռադիո Մառնեուլի»
Թարգմ․ ՝ Մարգարիտա Միսկարյան