Մառնեուլիի քաղաքապետարանը և սակրեբուլոն հանրային տեղեկատվություն չեն տրամադրում. IDFI
Տեղեկատվության ազատության զարգացման ինստիտուտի կողմից հրապարակային
տեղեկատվության հասանելիության հետազոտության համաձայն՝ 2022 թվականին
անցկացված IDFI-ի մոնիտորինգի արդյունքներով՝ երկրում հանրային
տեղեկատվության հասանելիության որակը նախորդ տարվա համեմատ զգալիորեն
նվազել է։
Պետական տարբեր կառույցներին, այդ թվում՝ տեղական ինքնակառավարման
մարմիններին ուղարկված հարցումներին կազմակերպության կողմից ստացված
պատասխանների տոկոսը 2022 թվականին կազմում է 58%, ինչը 2010 թվականից
ի վեր ամենավատ ցուցանիշն է։
Քաղաքապետարանների և տեղական ինքնակառավարման մարմինների խորհուրդների
թափանցիկության հարցը ներառվել է IDFI-ի հետազոտության մեջ։
Կազմակերպության տվյալներով՝ Մառնեուլիի մունիցիպալիտետի տեղական
ինքնակառավարումը չի կատարում օրենսդրության պահանջները և հանրային
տեղեկատվություն չի տրամադրում։
«2022 թվականին տեղական ինքնակառավարման մարմիններում
իրականացված մոնիտորինգի արդյունքներով՝ 128 պետական հիմնարկներից
(քաղաքապետարան և սակրեբուլո) միայն Փոթիի, —Ճիաթուրայի և
Քարելիի մունիցիպալիտետների սակրեբուլոներն ունեն 100%
արդյունք հանրային տեղեկատվության հասանելիության։
Քաղաքապետերի և ավագանիների վարկանիշի առաջին տասնյակում ներկայացված
են միայն Զուգդիդիի և Տղիբուլիի մունիցիպալիտետների քաղաքապետերը։
2022 թվականին 7 քաղաքապետեր և 7 սակրեբուլոյի ղեկավարներ
IDFI-ի բոլոր հարցումներն անպատասխան թողեցին։ Դրանցից ուշագրավ են
Բոլնիսիի, Թեթրիծկարոյի և Մառնեուլիի քաղաքապետարանները, որոնց
գործադիր և ներկայացուցչական մարմինները չեն կատարում օրենսդրության
պահանջները և հրապարակային տեղեկատվություն չեն տրամադրում։
- նշված է IDFI-ի հայտարարության մեջ։
Տեղեկատվության ազատության զարգացման ինստիտուտի հրապարակած հանրային
տեղեկատվության հասանելիության հետազոտության համաձայն՝
կազմակերպությունը 34 անգամ հանրային տեղեկատվություն է խնդրել
Մառնեուլիի քաղաքապետարանից, և քաղաքապետարանը ոչ մեկին չի
պատասխանել։ Ինչ վերաբերում է Մառնեուլիի սակրեբուլոյին, IDFI-ն 20
անգամ հանրային տեղեկատվություն է խնդրել Մառնեուլիի խորհրդից, սակայն
դրանցից ոչ մեկին պատասխան չի ստացել:
"Ռադիո Մառնեուլի"
Թարգմ․ ՝ Մարգարիտա Միսկարյան