Ապրիլի 9-ին Մառնեուլիի քաղաքապետարանի տեղական ինքնակառավարման
մարմինների ներկայացուցիչները ծաղկեպսակ դրեցին
հուշահամալիրներին։
ՏԻՄ ներկայացուցիչները «Ռադիո Մառնեուլի»-ին չեն տեղեկացրել
հուշահամալիրները ծաղկեպսակներով զարդարելու մասին։ Քաղաքապետարանի
ֆեյսբուքյան էջում հրապարակված տեղեկատվության համաձայն՝ Ալգեթի,
Ծերեթելի և Թամարիս գյուղերում հուշահամալիրներին ծաղկեպսակներ են
դրվել։
«
Մառնեուլիի մունիցիպալիտետի ղեկավարները ծաղկեպսակներ են
դրել Ալգեթի, Ծերեթելի և Թամարիս գյուղերի ապրիլի 9-ի
հուշահամալիրներին և հարգանքի տուրք մատուցել հայրենիքի միասնության
համար զոհվածների հիշատակին»։ -նշված է քաղաքապետարանի
հրապարակած տեղեկատվության մեջ։
Մառնեուլիի մունիցիպալիտետի տեղական ինքնակառավարումը անհատ ձեռներեց
Դավիթ Ռոբակիձեի հետ կնքել է պարզեցված պայմանագիր՝ մինչև ապրիլի 9-ը
ծաղկեպսակներ գնելու համար։ Մեկ ծաղկեպսակի համար քաղաքապետարանը
վճարել է 250 լարի, երեքի համար՝ 750 լարի։
Ապրիլի 9-ին Մառնեուլիի մշակույթի կենտրոնը Անկախության տոնի
կապակցությամբ կազմակերպել էր միջոցառում և ցուցադրել ապրիլի 9-ին
տեղի ունեցած իրադարձությունները պատկերող ֆոտոնյութեր։
1989 թվականի ապրիլի 9-ին խորհրդային բանակը ցրեց խաղաղ ցույցը
Թբիլիսիում, որտեղ Վրաստանի քաղաքացիները պահանջում էին անկախություն։
Ապրիլի 9-ի գիշերը զոհվել է 21, վիրավորվել՝ 427 քաղաքացի։ Երկու տարի
անց՝ 1991 թվականի ապրիլի 9-ին, Վրաստանի Գերագույն խորհուրդն
ընդունեց Վրաստանի անկախության ակտը։
"Ռադիո Մառնեուլի"
Թարգմ․ ՝ Մարգարիտա Միսկարյան