Մառնեուլիի քաղաքապետարանում վերակազմավորում է ընթանում։
Ծառայության ղեկավարները փոխել են իրենց պաշտոնները։ Տեղեկությունը
հաստատում է Մառնեուլիի քաղաքապետարանի ֆինանսաբյուջետային
ծառայության ղեկավար Վուգար Մամեդովը, ով ֆինանսներից տեղափոխվել է
քաղաքապետի օգնականի պաշտոնի։ Մամեդովն ասում է, որ որոշումը կայացրել
է իր կամքով՝ դիմումի հիման վրա։
«Ճիշտ է, ես լինելու եմ քաղաքապետի օգնականը։ Իմ
հայտարարության հիման վրա ես դուրս եմ եկել ֆինանսաբյուջետային
վարչությունից»,- ասում է Վուգար Մամեդովը։
Պաշտոնը փոխել է նաև առողջապահության, սոցիալական ապահովության,
մշակույթի, սպորտի, երեխաների իրավունքների պաշտպանության և
աջակցության ծառայության պետ Գիորգի Մեուրմիշվիլին։ Այժմ նա կղեկավարի
Մառնեուլիի զինվորական հաշվառման, հավաքագրման և զորահավաքի
ծառայությունը։
«
Ես հաստատում եմ տեղեկությունը։ Քաղաքապետարանում ամբողջական
վերակազմավորում է ընթանում, և ես հենց դրա հիման վրա տեղափոխվեցի
(այլ աշխատանքի),- ասաց Գիորգի Մեուրմիշվիլին։
Բացի նշված քաղծառայողներից, պաշտոնները հավանաբար փոխել են
քաղաքապետարանի վարչական ծառայության ղեկավար Նինո Դեկանոիձեն և
վերահսկողության ծառայության ղեկավար Գելա Մումլաձեն։ Մենք դեռ
փորձում ենք կապ հաստատել նրանց հետ։
«Ռադիո Մառնեուլին» տեղեկություններ է հավաքում նաև քաղաքապետարանի
հասարակայնության հետ կապերի վարչությունից։
Նյութը կթարմացվի։
«Ռադիո Մառնեուլի»
Թարգմ․ ՝ Մարգարիտա Միսկարյան