Մառնեուլիի քաղաքապետարանի շենքի վերականգնման/վերակառուցման
աշխատանքների գնման մրցույթը հայտարարվել է հինգերորդ անգամ։
Շուրջ յոթ ամիս է, ինչ ՏԻՄ-ը հայտարարում է աշխատանքների անհաջող
մրցույթներ։ Երեք անգամ տապալված մրցույթի վերաբերյալ քաղաքապետարանի
ֆինանսաբյուջետային սպասարկման վարչության նախկին պետ Վուգար Մամեդովը
ասել էր, որ քաղաքապետարանը անպայման կուսումնասիրի մրցույթի ձախողման
պատճառները, կվերագնահատի այն, և կհայտարարվի նոր մրցույթ, հավանաբար
բարձրացված գնով։
Քաղաքապետարանի շենքի վերականգնման/վերակառուցման մրցույթը օգոստոսին
ավելացվել է 25931 լարիով, թեև դրան ոչ ոք չի մասնակցել։ Այժմ նույն
գնով նոր մրցույթ է հայտարարվել սեպտեմբերի 22-ին։ Մասնակցել
ցանկացողները կկարողանան մասնակցության հայտեր ներկայացնել սեպտեմբերի
30-ից հոկտեմբերի 3-ը։ Հաղթողը պարտավոր է աշխատանքները
քաղաքապետարանին հանձնել պայմանագիրը կնքելուց հետո 120 օրացուցային
օրվա ընթացքում։
Նախագծով նախատեսվում է մեծացնել առաջին հարկում գտնվող գրասենյակային
սենյակի տարածքը և տարածք հատկացնել միջանկյալ օղակի տեսքով՝
բնակչության հետ հաղորդակցության գործընթացը պարզեցնելու նպատակով։
Նաև առաջին հարկում նախագծով նախատեսվում է ներկել միջանցքի պատերը և
փոխել այնտեղ թափանցող դռները։ Առաջին հարկի որոշ սենյակներ
նախատեսված են վերանորոգման համար։ Երկրորդ հարկում նախատեսվում է
թարմացնել առկա սանհանգույցը և կազմակերպել նոր սանհանգույց գործող
աշխատասենյակում։ Երրորդ հարկում նախատեսվում է աստիճանահարթակի
պատերի սվաղում, ներկում և այլն։
«Ռադիո Մառնեուլի»
Թարգմ․ ՝ Մարգարիտա Միսկարյան