NDI հասարակական կազմակերպությունը հրապարակում է հասարակության
տրամադրվածության հարցումը, որն իրականացրել է CRRC
Վրաստանը 2022 թվականի դեկտեմբերին՝ ուղղակի հարցման
արդյունքների հիման վրա։
Ըստ հասարակական կարծիքի հարցման՝ բնակչության 66%-ն ասում է, որ
Վրաստանում իրեն ապահով է զգում, իսկ 34%-ը՝ անապահով։
«Թբիլիսցիներն ու ընդդիմության կողմնակիցներն իրենց ամենաքիչ ապահով
են զգում, իսկ էթնիկ փոքրամասնությունների ներկայացուցիչները,
վրացական երազանքի կողմնակիցներն ու տղամարդիկ՝ ամենաապահովը,- նշված
է ուսումնասիրության մեջ։
Հետազոտության արդյունքների համաձայն՝ Վրաստանի քաղաքացիներն իրենց
ապահով են զգում հիմնականում տնտեսական խնդիրների պատճառով։
Հետազոտությունն արտացոլում է նաև փոքրամասնությունների համայնքների
վերաբերմունքը։ 34%-ից, ովքեր իրենց անապահով են զգում, դրա պատճառը
փոքրամասնությունների բնակավայրերում գործազրկությունն ու
աշխատատեղերի բացակայությունն է:
Հարցին՝ որո՞նք են երեք ամենակարեւոր պատճառները, թե ինչու եք ձեզ
անապահով զգում Վրաստանում ՝ Փոքրամասնություն կազմող
համայնքների 73%-ը պատճառը համարում է գործազրկությունն ու
աշխատատեղերի բացակայությունը, 43%-ը՝ աղքատությունը, իսկ 32%-ը՝
գնաճը/բարձր գները:
Հարկ է նշել, որ ի տարբերություն Վրաստանի, ազգային
փոքրամասնությունների տարածքային ամբողջականությունը ազգային կարևոր
խնդիրների շարքում չէ։
Հարցին, թե ազգային ո՞ր խնդիրներն են ամենակարևորը ձեզ և ձեր ընտանիքի
համար: Փոքրամասնությունների բնակավայրերում 56%-ը նշում է
աշխատատեղերը, 34%-ը՝ աղքատությունը, 30%-ը՝ թանկացումները, 30%-ը՝
կենսաթոշակները, և միայն 1%-ը՝ տարածքային
ամբողջականությունը:
"Ռադիո Մառնեուլի"
Թարգմ․ ՝ Մարգարիտա Միսկարյան