Մառնեուլիի կրթական ռեսուրս կենտրոնը Մառնեուլիի քաղաքապետարանում
կազմակերպել էր գերազանց առաջադիմությամբ ավարտած
աշակերտների պարգեւատրման արարողություն։
Տեղեկությունը տարածում է տեղական ինքնակառավարումը։ Մառնեուլիի
մունիցիպալիտետում 2020-2021 ուսումնական տարվա ավարտական 20
աշակերտ պարգևատրվել է 12 ոսկե և 8 արծաթե մեդալներով, իսկ նշված
ուսումնական տարվա հիմնական մակարդակի 34 հաջողակ աշակերտներ ստացել
են անհատական համակարգիչներ։
«
Միջոցառման շրջանակներում Մառնեուլիի քաղաքապետարանի
քաղաքապետ Քենան Օմարովը, Մառնեուլիի և Գարդաբանիի մեծամասնության
պատգամավոր Զաուր Դարգալին, քաղաքային խորհրդի նախագահ Ամիրան
Գիորգաձեն և Մառնեուլիի կրթական ռեսուրս կենտրոնի ղեկավարի
պաշտոնակատար Խանալի Գախրամանովը շնորհավորեցին դպրոցի վաստակաշատ
շրջանավարտներին հաջողության համար և անձամբ հանձնեցին
մրցանակը։ Միջոցառմանը ներկա էին տեղական ինքնակառավարման
մարմինների ղեկավարներ, Մառնեուլի կրթական ռեսուրս կենտրոնի
ներկայացուցիչներ, դպրոցի տնօրեններ, ուսուցիչներ, աշակերտներ,
ծնողներ։
«Ռադիո Մառնեուլի»-ին մրցանակաբաշխության մասին տեղեկություն
չուներ։ Միջոցառման մասին տեղեկությունը հայտնի դարձավ այն բանից
հետո, երբ քաղաքապետարանը հրապարակեց մրցանակաբաշխության
լուսանկարը։
"Ռադիո Մառնեուլի"
Թարգմ․ ՝ Մարգարիտա Միսկարյան