Մառնեուլիի քաղաքապետարանը արտահերթ նիստում պաշտպանել է
կանաչ բույսերի խնամքի և պահպանման մասին նոր բանաձեւը։
Քաղաքապետարանի վարչական ծառայության ղեկավար Մամուկա Շուբիթիձեն
հարցը քննարկման է բերել քաղխորհրդի արտահերթ նիստ և նշել, որ
բանաձևում ներառված են այնպիսի կարևոր հարցեր, որոնք պարզելու են, թե
որ բույսերը կտնկվեն քաղաքապետարանում, որ ծառերը կարելի է էտել կամ
կտրել։
«Քաղաքապետարանը նախաձեռնել է քաղաքապետարանի տարածքում կանաչ
տնկիների ու կանաչապատման պահպանման ու վերականգնման կանոնների
հաստատումը։ Նշված կանոնում գրված է, թե ինչ բույսեր են լինելու
քաղաքապետարանի տարածքում, որ ծառն է ենթակա հատման և ինչպես են
իրականացվելու հեռացման աշխատանքները»,- ասաց Մամուկա
Շուբիթիձեն։
Պատգամավորները կողմ են արտահայտվել նշված հարցին։ Ինչպես Ռադիո
«Մառնեուլ»-ին հայտնել է Սակրեբուլոյի գրասենյակի ղեկավար Նինո
Բերիձեն, բանաձեւի ընդունման հաջորդ փուլը կանոնակարգի գրելն է, որը
գրվելու է համապատասխան ծառայության համար։
«Կանաչ բույսերի պահպանման հետ կապված շատ կարեւոր եւ հետաքրքիր
բանաձեւ է ընդունվել։ Այս որոշման հիման վրա համապատասխան
ծառայությունը կանոնակարգ կհրապարակի բույսերի խնամքի վերաբերյալ։
Ապրիլի 21-ին կայացած ավագանու արտահերթ նիստում ընդհանուր առմամբ
քննարկվել է տասը հարց։ Դրանցից՝ Մառնեուլիի քաղաքապետարանի 2023
թվականի բյուջեն հաստատելու մասին» Մառնեուլիի քաղաքապետարանի 2022
թվականի դեկտեմբերի 29-ի քաղաքապետարանի քաղաքային խորհրդի 2022
թվականի դեկտեմբերի 29-ի N30 որոշման մեջ փոփոխություններ կատարելու
մասին՝ Մառնեուլիի քաղաքապետարանի համար վառելիքի և խոսակցության
սահմանաչափերը որոշելու մասին և սոց. հարցեր։
Բոլորն էլ դրական լուծում ստացան։
"Ռադիո Մառնեուլի"
Թարգմ․ ՝ Մարգարիտա Միսկարյան