Թբիլիսիի քաղաքապետարանն ամանորյա միջոցառման համար անհրաժեշտ ծառայություններն այս տարի ևս  գնում է առանց մրցույթի։ Սրա համար քաղաքապետարանի բյուջեից կծախսվի 8 576 967 լարի։ Տեղեկությունը հրապարակված է Պետական ​​գնումների գործակալության կայքում։

«Մշակութային միջոցառումների պլանավորումն ու կազմակերպումը հիմնականում կապված է ինտելեկտուալ ծառայությունների եւ անհատական ​​ընկալման հետ։ Կարևոր են տեսողական մանրամասները, տեղակայման առանձնահատկությունները, այդ իսկ պատճառով գնորդ կազմակերպության ներկայացուցիչները պետք է

տեղում փոփոխություններ կատարեն առկա դիզայնի, կոնֆիգուրացիայի և հարդարման դետալներում։ Միջոցառումը պետք է անցկացվի սահմանափակ ժամկետում, հետևաբար գնման օբյեկտը հնարավոր չէ գնել էլեկտրոնային մրցութային կամ մրցութային ընթացակարգերով՝ կախված միջոցառման առանձնահատկություններից»,- այսպես է քաղաքապետարանը հիմնավորում ծառայություններ գնելու որոշումը՝ առանց մրցույթի։

Ավելի քան 8,5 մլն լարիով նախատեսված միջոցառումները կմեկնարկեն դեկտեմբերի 6-ին, երբ Ռուսթավելի պողոտայում խորհրդարանի շենքի դիմաց կվառեն տոնածառը։

«Կանցկացվեն ամանորյա գյուղի բացման միջոցառում, տարբեր ժանրերի համերգներ, էլեկտրոնային կենդանի շոուներ, թատերական ներկայացումներ։ Կկազմակերպվեն բազմաբնույթ մշակութային, սպորտային, կրթական և մանկական ժամանցային միջոցառումներ, բաց կինոթատրոն, հեքիաթների հերոսների երթ, միջոցառման այցելուներին կդիմավորի Ձմեռ պապը՝ աջակից դերասանների հետ»,- գրել է Թբիլիսիի քաղաքապետարանը գնումների ծառայության  քարտում։շ

Բացի խորհրդարանի հարակից տարածքից, կանցկացվեն ամանորյա միջոցառումներ՝ Օրբելիանի հրապարակին հարող տարածքում, չոր կամրջի վրա, Մայրենի լեզվի այգում։

"Ռադիո  Մառնեուլի"
Թարգմ․  ՝  Մարգարիտա  Միսկարյան