Վաղը «Վրացական երազանքը» կանցկացնի նախագահական ընտրություններ, որին մասնակցում է միայն մեկ թեկնածու
Վաղը՝ դեկտեմբերի 14-ին, «Վրացական երազանք»-ը կանցկացնի  նախագահական ընտրություններ, որին մասնակցելու է միայն մեկ թեկնածու։


Նա «Երազանքի»-ի կողմից առաջադրված թեկնածու է, նախկին ֆուտբոլիստ, պատգամավոր Միխեիլ Կավելաշվիլին։

Նա հասարակության մեջ իր անունն է ձեռք բերել հայհոյանքներով, արհամարհական լեզվով ու հակաարևմտյան հայտարարություններով։ Հասարակական աղբյուրները նրա բարձրագույն կրթությունը հաստատող փաստաթուղթ չեն գտնում։

«Իր բնույթով, եթե կուզեք, իր սովորությամբ, նա վրացի տղամարդու
լավագույն մարմնավորումն է
»,- ասել է Բիձինա Իվանիշվիլին՝ ներկայացնելով Կավելաշվիլիին։

Նախագահական ընտրություններն անցնում են նոր համակարգով։  Նախագահն ընտրվում է 300 հոգանոց ընտրական կոլեգիայի կողմից։

Ընտրական կոլեգիայի  211 անդամ «Վրացական երազանքի» ներկայացուցիչներ են։ Առաջին փուլում թեկնածու ընտրելու համար անհրաժեշտ է 200 ընտրողի աջակցությունը։

Ինչպե՞ս է կազմված ընտրական կոլեգիան ՝ 
  • Վրաստանի խորհրդարանի 150 պատգամավոր («Վրացական երազանք» 89 անդամ)
  • Աջարիայի Ինքնավար Հանրապետության Գերագույն խորհրդի 21 անդամ («Վրացական երազանք» 13 անդամ)
  • Աբխազիայի Ինքնավար Հանրապետության Գերագույն խորհրդի 20 անդամ
  • Քաղաքային ավագանիներից 109 անդամ (ընդդիմադիր կուսակցություններն իրավունք ունեին առաջադրել 55 անդամ, սակայն բոյկոտի պատճառով այս տեղերը  ևս զբաղեցրեց «Վրացական երազանք»-ը)
Ըստ այդմ, ինչպես նշվեց, «Վրացական երազանքն» ունի 211 անդամ, Աբխազիայի Ինքնավար Հանրապետության Գերագույն խորհրդի 20 անդամ, իսկ ընդդիմադիր կուսակցությունների 69 անդամներ՝ Աջարիայի խորհրդարանից և Գերագույն խորհրդից։ Ընդդիմությունը հայտարարում է, որ չի պատրաստվում մասնակցել գործընթացին։

Խորհրդարանի շենքում բաց քվեարկությունը կսկսվի առավոտյան ժամը 9:00-ին և կավարտվի ամենաուշը ժամը 14:00-ին։ Գործընթացը կհեռարձակվի ուղիղ եթերում։

Վրաստանի գործող նախագահը չի ճանաչում ո՛չ խորհրդարանի, ո՛չ էլ նախագահական ընտրությունների օրինականությունը։

«Ես մնում եմ որպես ձեր նախագահ, չկա լեգիտիմ խորհրդարան, որը լեգիտիմ կերպով կընտրի նախագահին, հետևաբար, երդմնակալությունը հնարավոր չի լինի»,- նոյեմբերի 30-ին ասել է նախագահը։

Նույն դիրքորոշմամբ կան նաև խորհրդարանական ընտրությունների անցողիկ շեմը հաղթահարած և ընտրություններին մասնակցելուց հրաժարված այլ կուսակցություններ։

«Սալոմե Զուրաբիշվիլին մնում է Վրաստանի նախագահը, Վրաստանի պաշտպանության ուժերի գլխավոր հրամանատարը և արտաքին հարաբերություններում երկրի բարձրագույն ներկայացուցիչը»,- ասում են նրանք։

Նոյեմբերի 25-ին խորհրդարանի շենքում հավաքված «Վրացական երազանք» կուսակցությունը դրսում տեղի ունեցած բողոքի ցույցի ֆոնին անցկացրեց 11-րդ գումարման խորհրդարանի լիազորությունների ճանաչման ընթացակարգը։

Ինչպես նշում են սահմանադրագետներն ու իրավաբանները, ընտրությունների արդյունքների և, համապատասխանաբար, բոլոր 150 պատգամավորների ընտրության օրինականության դիմելու ժամանակահատվածում պատգամավորների լիազորությունների ճանաչումն անօրինական է և հակասահմանադրական։

Նրանց գնահատմամբ՝ խորհրդարանի որոշումները, այդ թվում՝ կառավարությանը վստահություն հայտնելը, նախագահի ընտրությունը, լեգիտիմություն չեն ունենա մինչեւ Սահմանադրական խորհրդի որոշումը։ 

"Ռադիո Մառնեուլի"
Թարգմ․  ՝  Մարգարիտա   Միսկարյան          
Աղբյւր ՝ პუბლიკა
Print E-mail
FaceBook Twitter Google