Մառնեուլիի մունիցիպալիտետի տեղական ինքնակառավարումը Երկրի օրը նշելու համար Թամարիս և Խիխանի գյուղերում 30 սոճի է տնկել։

Մառնեուլիի քաղաքապետարանը ապրիլի 25-ին կանաչապատման արշավ է անցկացրել։ Քաղաքապետարանի կողմից հրապարակված տեղեկատվության համաձայն՝ կանաչապատման արշավը անցկացվել է քաղաքապետարանի երիտասարդական խորհրդի նախաձեռնությամբ և կազմակերպմամբ։

«Մառնեուլիի մունիցիպալիտետի առաջին փոխքաղաքապետ Ռոին Դեկանոիձեն և փոխքաղաքապետ Զուրաբ Պանգանին մասնակցել են կանաչապատման արշավին՝ երիտասարդական խորհրդի անդամների

հետ միասին։ Նրանք տնկիներ են տնկել Թամարիսի գյուղի դպրոցի տարածքում։

Արշավի նպատակն է առողջ ապրելակերպի արմատավորումը և մաքուր ու առողջ կենսապայմանների ստեղծումը», - ասվում է Մառնեուլիի քաղաքապետարանի հայտարարության մեջ։

Տեղական ինքնակառավարումը կանաչապատման արշավի համար «Կանաչ տուն» ՍՊԸ-ից գնել է 30 սոճու տնկի՝ 1005 լարիով, պարզեցված ընթացակարգով։ Քաղաքապետարանը նաև 55 աշխատանքային ձեռնոց է գնել կանաչապատման արշավի համար: Քաղաքապետարանը ռետինով ներծծված գործվածքե ձեռնոցներ է գնել անհատ ձեռնարկատեր Ազեր Չիլդիրիից 55 լարիով:

"Ռադիո  Մառնեուլի"
Թարգմ․  ՝  Մարգարիտա  Միսկարյան