Ժամանակագրություն, հարցեր և լռություն, որն ամեն ինչ ասում էր

21-ամյա Այթաջ Մամեդովան անհետացել է ապրիլի 1-ի գիշերը։ Ըստ նրա ընտանիքի՝ նա եղել է ընկերոջ ծննդյան երեկույթին և վերջին անգամ տեսել են Թբիլիսիում՝ «Խաղաղության կամրջի» մոտ։ Նրա անձնական իրերը՝ կոշիկներ, պայուսակ և բջջային հեռախոս, հայտնաբերվել են հենց այս վայրում։

Ոստիկանությունը ընտանիքին ասել է, որ տեսանյութում երևում է, թե ինչպես է աղջիկը ընկնում Մտկվարի գետը, չնայած նրանք տեսանյութը  ցույց  չեն տվել ընտանիքի անդամներին։ Ըստ ընտանիքի՝ հետաքննությունը գործնականում գոյություն չի ունեցել, և պետական ​​​​մարմինները պատշաճ կերպով  ներգրավված  չեն եղել որոնումներում։

«Ես ոչ մի նավակ չեմ տեսել ջրի մեջ… Մենք՝ չորս հոգով՝ ես, իմ զարմիկը և հարևանները, ինքնուրույն ենք անցկացնում հետաքննությունը», - ասել է Այթաջիի հորեղբայրը՝ Ռասուլ Օմարովը։ Ընտանիքի անդամները ամեն օր գնում էին գետի ափ և փորձում էին գտնել աղջկան՝ օգտագործելով ժամանակավոր լաստ՝ պլաստիկ շշերից և պարանից պատրաստված կառուցված։



Ապրիլի 15-ին Արտակարգ իրավիճակների կառավարման ծառայությունը հայտարարեց, որ Մտկվարի գետում ամեն օր մոնիթորինգ է իրականացվում, որին մասնակցում են ջրասուզակներ և հատուկ սարքավորումներ։ Սակայն ընտանիքը գործնականում դա չի տեսել։ «Պետությունը պարզապես սպասում է, որ մենք վարձենք վճարովի նավակներ, իսկ մենք դրա համար միջոցներ չունենք», - ասաց Ռասուլ Օմարովը։

Անհետացումից 44 օր անց՝ մայիսի 14-ին, Մտկվարի գետում տեղի ունեցած ճանապարհատրանսպորտային պատահարի պատճառով, երբ մեքենան ընկավ գետը և սկսվեցին ուղևորների որոնումները, անհրաժեշտություն առաջացավ արհեստականորեն իջեցնել գետի մակարդակը։ Հենց այդ աշխատանքների ընթացքում էլ հայտնաբերվեց կնոջ մարմինը։

Ընտանիքը արագորեն հաստատեց մարմնի ինքնությունը։ Այթաջ Մամեդովայի հորեղբայրը հեռախոսով միայն մեկ նախադասություն ասաց «Ռադիո Մարնեուլի»-ի լրագրողին. «Այո, նա է» և անջատեց հեռախոսը։

Արտակարգ իրավիճակների կառավարման ծառայությունից մեզ հայտնեցին, որ մայիսի 14-ին կնոջ մարմինը իսկապես հայտնաբերվել է Մտկվարի գետում: Ներքին գործերի նախարարության տվյալներով՝ գործը քննվում է Վրաստանի քրեական օրենսգրքի 115-րդ հոդվածով, որը վերաբերում է ինքնասպանության կամ ինքնասպանության փորձի հրահրմանը։

Ի՞նչ է մնում պարզաբանել
Այթաջ Մամեդովայի անհետացման և նրա մարմնի հայտնաբերման պատմությունը բազմաթիվ հարցեր է առաջացնում։

Ինչո՞ւ պետությունը արդյունավետ չարձագանքեց առաջին օրվանից։

Ինչո՞ւ նրանք ընտանիքին չտրամադրեցին ձայնագրություն, որտեղ նրանք իրենք էին պնդում, որ տեսել են աղջկան գետը ընկնելիս։

Ինչո՞ւ էր պետք ավտովթարը որոնումները սկսելու համար։

Այս դեպքում լռությունը դարձել է ամենաաղմկոտ մեղադրանքը: Այթաջիի անհետացման գիշերը պետությանը լողափում մնացել էին միայն պլաստիկ շշեր՝ որոնումների և պատասխանատվության բացակայության խորհրդանիշ։

"Ռադիո  Մառնեուլի"
Թարգմ․  ՝  Մարգարիտա Միսկարյան