Այս մասին տեղեկատվությունը «BusinessPressNews»-ին տրամադրել է Թբիլիսիի քաղաքապետարանը։

Ըստ նրանց տվյալների՝ մեկ անձի համար օրական մեկ բաժնի արժեքը կազմում է 1.70 լարի։

Ինչ վերաբերում է մանրամասն տեղեկատվությանը, թե Թբիլիսիի որ շրջանում  քանի անվճար ճաշարան  կա և քանի շահառու, քաղաքապետարանի կողմից տրամադրված տեղեկատվությունը հետևյալն է ՝  

• Իսանիի շրջանում գործում է 7 անվճար ճաշարան, որտեղ գրանցված է 5,080 շահառու: Քաղաքապետարանը բացատրում է, որ 2021-ից 2025 թվականներին անվճար ճաշարանի շահառուների թվի աճ չի եղել։
• Վակե շրջանում գործում է 3 անվճար ճաշարան՝ 1,600 գրանցված շահառուներով։ «Վերջին տարիներին անվճար ճաշարաններից օգտվողների թիվը չի ավելացել», - նշում է Թբիլիսիի քաղաքապետարանը։
• Դիդուբե շրջանում գործում է 4 անվճար ճաշարան՝ 2200 շահառու։ Այստեղ նույնպես քաղաքապետարանը նշում է, որ վերջին տարիներին անվճար ճաշարաններից օգտվողների թիվը չի ավելացել։
• Չուգուրեթի շրջանում գործում է 6 անվճար ճաշարան՝ 3600 գրանցված շահառուով։
• Սամգորի շրջանում գործում է 11 անվճար ճաշարան՝ 7530 գրանցված շահառուով։
• Սաբուրթալոյի շրջանում գործում է 5 անվճար ճաշարան՝ 1760 շահառուով։ «Վերջին տարիներին անվճար ճաշարաններից օգտվողների թիվը չի ավելացել», - նշում է քաղաքապետարանը։
• Գլդանի շրջանում գործում է 9 անվճար ճաշարան։ Այսօրվա դրությամբ Գլդանի շրջանում անվճար ճաշարանի ծառայություններից օգտվում է 6625 շահառու։
• Մթածմինդայի շրջանում գործում է 4 անվճար ճաշարան, որոնցից օգտվում են 1846 շահառուներ։
• Նաձալադևիի շրջանի բյուջեով նախատեսված «Անվճար ճաշարանի ծառայություններ» ծրագրի շրջանակներում շրջանում տեղակայված է 10 անվճար ճաշարան։ Դրանցից օգտվում է 8053 շահառու։
• Կրծանիսիի շրջանում գործում է 5 անվճար ճաշարան, որոնցից օգտվում է 3891 շահառու։

Նշենք, որ bpn.ge-ն վերջին անգամ այս հարցի վերաբերյալ տեղեկատվություն է խնդրել 2021 թվականին, երբ մեկ բաժնի արժեքը միջինում տատանվում էր 1.25 լարիից մինչև 1.30 լարի։ Պարզվում է, որ 4 տարի անց շահառուների սննդի վրա ծախսվում է ընդամենը 40-45 թեթրի ավելի։
Աղբյուր ՝  BPN


"Ռադիո  Մառնեուլի"
Թարգմ․  ՝  Մարգարիտա  Միսկարյան