Մառնեուլիի քաղաքապետարանի մանկապարտեզների միությունը  հայտարարել է 303 940 լարիի մրցույթ, որի շրջանակներում նախատեսվում է կաթնամթերք գնել մանկապարտեզների համար։
Մրցութային փաստաթղթերի համաձայն՝ նախատեսվում է գնել կաթ, թթվասեր, կաթնաշոռ, պանիր, կարագ և առաջին անգամ՝ մածուն։ Նախորդ մրցույթներում միությունը երբեք մածուն չի գնել։

Փաստաթղթերի համաձայն՝ արտադրանքը պետք է լինի գործարանային արտադրության, պատրաստված պաստերիզացված կաթից, միայն բնական համեմունքներով, առանց կոնսերվանտների և ներկանյութերի։



Խտացրած կաթ - 7,809 միավոր, բնական կաթից, ոչ պակաս, քան 8.5% ճարպային պարունակությամբ, գործարանային փաթեթավորված թիթեղյա տարաների մեջ, առանց գենետիկորեն մոդիֆիկացված հավելումների։

Թթվասեր՝ 14,336 կգ, պաստերիզացված կովի կաթից, ճարպի պարունակությունը՝ 3.2%, փաթեթավորված պլաստիկե կամ ապակե տարաներում՝ 180 գրամից մինչև 5 կգ։
Թթվասեր՝ 1,848 կգ, ճարպի պարունակությունը՝ ոչ պակաս, քան 15%, գործարանային արտադրության, 180 գրամից մինչև 5 կգ՝ պլաստիկե փաթեթավորմամբ։
Կաթնաշոռ՝ 1,176 կգ, ճարպի պարունակությունը՝ 6-9%, կաթի բաղադրիչների պարունակությունը՝ ավելի քան 75%, փաթեթավորված 100 գրամից մինչև 1 կգ։
Պանիր՝ 909 կգ, փափուկ և պակաս աղի, չոր նյութի պարունակությունը՝ ոչ պակաս, քան 52%, ճարպի պարունակությունը՝ ոչ պակաս, քան 40%։
Կարագ՝ 1,355 կգ, սերուցքային կարագ, առանց բուսական ճարպի, կաթի ճարպի պարունակությունը՝ ոչ պակաս, քան 82%, փաթեթավորված 200 գրամից մինչև 1 կգ։ Մածուն՝ 560 կգ, գործարանային արտադրության, ճարպի պարունակությունը՝ 2.5%-ից մինչև 5%, չի պարունակում գլյուտեն, կոնսերվանտներ և ներկանյութեր։

Ուլտրա-պաստերիզացված կաթ՝ 15,008 լիտր, ճարպի պարունակությունը՝ ոչ պակաս, քան 2.5%, տետրապարկ փաթեթավորմամբ։

Կաթնամթերքի մրցույթին մասնակցել ցանկացող ընկերությունները կարող են մասնակցել օգոստոսի 4-ից 7-ը։ Հաղթողը պարտավոր կլինի փուլ առ փուլ՝ 2025 թվականի սեպտեմբերից մինչև դեկտեմբերի 31-ը, մատակարարել Մառնեուլիում և շրջակա գյուղերում գործող 14 մանկապարտեզներին։ Արտադրանքը պետք է տեղափոխվի մասնագիտացված սառնարաններում՝ Վրաստանի օրենսդրությամբ սահմանված չափանիշներին և հիգիենայի պահանջներին համապատասխան։


"Ռադիո  Մառնեուլի"
Թարգմ․  ՝  Մարգարիտա Միսկարյան