Մառնեուլիի սակրեբուլոյի  երկու խորհրդականներ այլևս չեն ստանա իրենց պաշտոնական աշխատավարձը:

«Հանրային ծառայության մասին» օրենքում կատարված փոփոխությունների համաձայն՝ օգոստոսի 1-ից խորհրդականի պաշտոնը կդառնա կամավոր, և նրանք այլևս աշխատավարձ չեն ստանա:

Մարնեուլիի քաղաքային խորհուրդը օրենքի փոփոխությունները քննարկել է հուլիսի 25-ի նիստում: Քաղաքային խորհրդի աշխատակազմի ղեկավար Նինո Բերիձեն բացատրել է, որ քաղաքային պաշտոնյաները կկարողանան համատեղել խորհրդականների գործառույթները՝ առանց լրացուցիչ աշխատավարձի:

«Հանրային ծառայության մասին» օրենքում կատարված փոփոխության հոդվածներից մեկը՝ 83-րդ հոդվածի երրորդ պարբերությունը, վերաբերում է խորհրդականներին: Այսինքն՝ բոլոր համայնքներում, ընդհանուր առմամբ հանրային ծառայությունում, խորհրդականի կարգավիճակը վերացվում է և միայն անվճար է, այսինքն՝ խորհրդականն ընտրվում է աշխատողներից, ուստի մենք ունեինք պայմանագրով վարձված խորհրդական և վերացնում ենք այս աշխատակազմի ստորաբաժանումը»: - Հայտարարում է Նինո Բերիձեն։

«Ռադիո Մարնեուլի» Մառնեուլիի քաղաքային խորհրդի հասարակայնության հետ կապերի բաժնից հայտնել են, որ սակրեբուլոյի  նախագահ Ամիրան Գիորգաձեն ուներ երկու խորհրդական։ Մեկ խորհրդականի պաշտոնական աշխատավարձը կազմում է 3650 լարի։

Օրենքում կատարված փոփոխությունների համաձայն՝ Մառնեուլիի քաղաքային խորհուրդը օգոստոսից սկսած ամեն ամիս կխնայի 7300 լարի աշխատավարձ։

Ռադիո «Մարնեուլի»
Թարգմ․  ՝  Մարգարիտա  Միսկարյան