Այսօր՝ օգոստոսի 11-ին, Դաուր Իսմայիլովը իր սոցիալական ցանցում գրել է, որ «Վրացական երազանքը» իրեն առաջադրել է որպես Մառնեուլիի քաղաքապետի թեկնածու։

«Այսօր «Վրացական երազանք - Դեմոկրատական Վրաստան» կուսակցությունը ինձ առաջադրել է որպես Մառնեուլիի քաղաքապետի թեկնածու։ Ես անկեղծորեն շնորհակալություն եմ հայտնում կուսակցությանը ցուցաբերած վստահության համար։

Խաղաղություն Վրաստանին։
Զարգացում Մառնեուլիին»։ - գրում է Իսմայիլովը իր Ֆեյսբուքյան էջում։

Օգոստոսի 5-ին «Ռադիո Մարնեուլին» կապ հաստատեց Դաուր Իսմայիլովի հետ՝ ճշտելու այն տեղեկատվությունը, թե արդյոք «Վրացական երազանքը» կառաջադրի քաղաքապետի թեկնածու Մառնեուլում։ Իսմայիլովը օգոստոսի 5-ին մեզ ասաց, որ չի կարող մեզ հետ խոսել և այդ ժամանակվանից ի վեր չի պատասխանել մեր զանգերին։

2024 թվականի խորհրդարանական ընտրությունների կապակցությամբ «Պիրվրելի» հեռուստաընկերության կողմից պատրաստված լրագրողական հետաքննության համաձայն՝ Դաուր Իսմայիլովը «Վրացական երազանքի» ավագն էր Մարնեուլում և ակտիվորեն մասնակցել է ընտրակեղծիքներին։

Հուլիսի 31-ին «Ռադիո Մարնեուլի»-ին տված հարցազրույցում տեղի քաղաքական գործիչ Ախմեդ Իմամկուլիևը հայտարարել է, որ «Վրացական երազանքը» պլանավորում է Մառնեուլիում քաղաքապետի թեկնածու առաջադրել մի երիտասարդի, որին նրանք ցանկանում են «կապիտանից վերածել մայորի»։
"Ռադիո  Մառնեուլի"
Թարգմ․  ՝  Մարգարիտա  Միսկարյան