Դպրոցական սեզոնի մոտենալուն զուգընթաց, Մառնեուլիի շուկան մնում է ամենատարածված և մատչելի գնումների վայրերից մեկը։
Այստեղ կարող եք տեսնել առօրյա և դպրոցական հագուստի լայն տեսականի, որը վաճառվում է համեմատաբար ցածր գներով։ Ահա թե ինչպես են գնորդները գնահատում այն ​​և ասում, որ Թբիլիսիի համեմատ, Մառնեուլիի շուկայում նրանք ավելի բյուջետային գնումներ են կատարում։

«Ես երեկ Թբիլիսիում էի

և հետաքրքրվեցի գներով։ Ես 3 երեխա ունեմ, և եթե հաշվեյի նրանց, յուրաքանչյուրի համար 400 լարին բավարար չէ։ Պատկերացրեք, ես խոսում եմ այն ​​հագուստի մասին, որը պետք է հագնեն դպրոցի առաջին օրը։ Մառնեուլիի շուկան համեմատաբար էժան է, կա առնվազն 5 լարի տարբերություն, և դա սակարկության հարց է։ Կարծում եմ, որ երեք երեխային լիարժեք պատրաստելը ինձ կարժենա ավելի քան 1500 լարի», - մեզ ասում է մի ծնող։
«Ռադիո Մարնեուլի»-ին հետաքրքրվել է շուկայում հագուստի և պայուսակի գներով։ Ապրանքների արժեքը կախված է որակից, սակայն, Մառնեուլիի շուկայում գների համաձայն, մենք գնահատեցինք, և  եկանք այն եզրահանգման, որ մեկ երեխայի հագուստի  միջին  արժեքը 300 լարի է կազմում։

• Վերնաշապիկներ՝ 30 լարիից մինչև 50 լարի։
• Զգեստներ՝ 20 լարիից մինչև 70 լարի։
• Տաբատներ՝ 30 լարիից մինչև 50 լարի։
• Կոշիկներ՝ 40 լարիից մինչև 80 լարի։
• Պայուսակներ՝ 30 լարիից մինչև 70 լարի։
• Բաճկոններ՝ 40-ից մինչև 60 լարի։
Այս գումարը ներառում է միայն հագուստը։ Դպրոցական պարագաների ամբողջական ցանկը չի ներառում մանր իրեր և գրենական պիտույքներ, և եթե հաշվի առնենք սա, մեկ երեխայի նախապատրաստումը կաճի միջինը մոտ 300 լարիով։ Պարզվում է, որ մեկ երեխային դպրոց պատրաստելը ծնողին արժենում է մինչև 700 լարի կամ ավելի, չնայած դա կախված է գնման հնարավորություններից և կարիքներից։

Վրաստանի պետական ​​դպրոցներում 2025-2026 ուսումնական տարին կսկսվի սեպտեմբերի 15-ին։

"Ռադիո Մառնեուլի"

Թարգմ․ ՝ Մարգարիտա Միսկարյան