Գնահատման և քննությունների ազգային կենտրոնի տեղեկացմամբ՝

նոյեմբերի 26-ին լրանում է ուսանողների գրանցման վերջնաժամկետը ուսումնական ազգային օլիմպիադայում։

Ազգային ուսումնական օլիմպիադային մասնակցելու համար անհրաժեշտ է գրանցվել, ինչի համար համար էլ ցանկացողները պետք է դիմեն դպրոցի տնօրինությանը։ 2021-2022 ուսումնական տարվա ազգային օլիմպիադայի գրանցումը սկսվել է նոյեմբերի 4-ին և կտևի մինչև նոյեմբերի 26-ի ժամը 18:00-ն։

Օլիմպիադան անցկացվում է երեք փուլով, որին մասնակցում են X-XII դասարանների աշակերտները։ Հանրակրթական հաստատությունները կարող են գրանցել աշակերտներին, ովքեր ցանկանում են մասնակցել յուրաքանչյուր առարկայի՝ ըստ որոշակի տարիքային խմբի։ Առաջին փուլի մասին մանրամասն տեղեկատվությունը կհրապարակվի Գնահատման և քննությունների ազգային կենտրոնի պաշտոնական կայքում։ Ազգային ուսումնական օլիմպիադայի երեք փուլերն էլ անցկացնում է Գնահատման և քննությունների ազգային կենտրոնը։

Երկրորդ փուլին մասնակցելու իրավունք կունենա այն մասնակիցը, ով կհավաքի թեստի առավելագույն միավորի 60%-ը և ավելին և միևնույն ժամանակ կհայտնվի համապատասխան առարկայի վարկանիշային աղյուսակի առաջին 1000 աշակերտների թվում։ Երրորդ փուլ անցնելու համար աշակերտը պետք է հաղթահարի 50 տոկոսի շեմը և լինի լավագույն արդյունք գրանցած 50 մասնակիցների թվում։ Հաղթելու համար պետք է վերջնական փուլում հավաքել թեստի առավելագույն միավորի առնվազն 60%-ը և հայտնվել լավագույն տասնյակում։

Ազգային ուսումնական օլիմպիադայի հաղթողները կպարգևատրվեն և Վրաստանի անունից կմասնակցեն միջազգային օլիմպիադային։

«Ռադիո Մառնեուլի»
Թարգմ․ ՝ Մարգարիտա Միսկարյան