Ի՞նչ է խոստանում ՄԱՇ -ի քաղաքապետի թեկնածուն մառնեուլցիներին
Էլդար Մուստաֆաևը ՄԱՇ-ի Մառնեուլի քաղաքապետի թեկնածուն է:
Նրա քաղաքական կարիերան սկսվել է 2003 -ին նույն կուսակցության հետ,
չնայած տարիներ անց նա տեղափոխվել է մասնավոր բիզնես: Այժմ նա կրկին
քաղաքականություն է վերադարձել:
Մուստաֆաևը «Ռադիո Մառնեուլի»-ին տված հարցազրույցում ասել է, որ ինքը
համաձայնել է առաջադրվել երկրում և Մառնեուլիում առկա ծանր տնտեսական
և սոցիալական խնդիրների պատճառով: Որպես քաղաքապետարանի հիմնական
խնդիր նա նշել է գործազրկությունը: Նա ասել է, որ եղել է մի շարք
գյուղերում, որտեղ երիտասարդների գրեթե չի տեսել, քանի որ նրանցից
շատերը աշխատանքի են մեկնել այլ երկրներ:
«Ես երկու անգամ Ազգային շարժումից ընտրվել եմ սակրեբուլոյի
պատգամավոր, եղել եմ հանձնաժողովի նախագահ , բյուրոյի անդամ: Եթե ես
նայեի Մառնեուլիի ներկայիս իրավիճակին և ոչ միայն , ապա ամեն օր,
Ազգային շարժման ժամանակ կատարված գործերը հետ են գնում, դա
գործազրկություն է, աղքատություն: Այդ պատճառով որոշեցի ընդունել
առաջարկը: Ես իմ թիմի հետ ստանձնեցի բազմաթիվ պարտականություններ, եթե
մենք հաղթենք, այս դեպքում մեր երկիրը նորից առաջ կգնա: Այլևս նման
հետամնացություն չի լինի: Այսօր մենք շարժվում ենք դեպի
Եվրոպա:»
Մուստաֆաևն ասել է, որ բացի աշխատատեղերի ստեղծումից, նա խոստանում է
հաղթանակի դեպքում լուծել խմելու և ոռոգման ջրի խնդիրը մառնեուլցիների
համար:
«Անկախ նրանից, թե որ գյուղ եք գնում, բոլորը ձեզ կասեն նույն
խնդիրը, որ խմելու ջրի խնդիր կա, ոռոգման ջրի խնդիր կա, ճանապարհի
խնդիր կա:
Այն հարցին, թե ինչ ազդեցություն կունենա Մառնեուլիում երկու
կուսակցական առաջնորդների ՝ Ազեր Սուլեյմանովի և Ագիլ Մուստաֆաևի
հեռացումը իր հաղթելու հնարավորությունների վրա, Էլդար Մուստաֆաևն
ասել է, որ դրանից իրենց կուսակցությունը չի փլուզվի:
«Կարծում եմ, որ անփոփոխ մարդ չկա: Եթե Ազեր Սուլեյմանովը
հեռացավ, Ագիլ Մուստաֆաեւը հեռացավ եւ նրան այսօր փոխարինեց Էլդար
Մուստաֆաեւը կամ մեկ ուրիշը, դա չի նշանակում, որ Ազգային շարժումը
լուծարվել է: Մենք ստեղծել ենք ավելի լավ թիմ, ինչպիսին կային և
պայքարելու ենք այս թիմի հետ։»
Էլդար Մուստաֆաևը ծնվել է 1970 թվականի ապրիլի 13 -ին, Մառնեուլիում:
1999 թ. -ից դասավանդել է է Աղկուլա գյուղի հանրակրթական դպրոցում:
2005-2006 թվականներին եղել է Աղկուլայի հանրակրթական դպրոցի տնօրեն:
2003 թվականից անդամակցում է Միացյալ ազգային շարժմանը:
Նշենք, որ «Ռադիո Մառնեուլին» ցանկանում էր նաև հարցազրույց վերցնել
«Վրացական երազանք» -ի քաղաքապետի թեկնածուից, սակայն Քենան Օմարովը
մի քանի օր է չի պատասխանում գեռախոսազանգերին:
«Ռադիո Մառնեուլի»
Թարգմ․ ՝ Մարգարիտա Միսկարյան
06.09.2021