Այսօր՝ հոկտեմբերի 21-ին, Մառնեուլիի Ժողովրդավարական ներգրավվածության կենտրոնում հանդիպում է կայացել Կենտրոնական ընտրական հանձնաժողովի նախագահ Գիորգի Կալանարիշվիլիի հետ։

Հանդիպմանը Կալանդարիշվիլին խոսել է էթնիկ փոքրամասնությունները ներկայացնող ընտրողների կարեւորության մասին։ Ինչպես «Ռադիո Մառնեուլի»-ին  պարզաբանեց ԿԸՀ նախագահը, հանդիպման հիմնական նպատակն էր տեղեկատվություն տրամադրել այն նորությունների մասին, որոնք իրականացվում են էթնիկ փոքրամասնությունների ներկայացուցիչների իրազեկվածությունը բարձրացնելու նպատակով, ինչը կօգնի նրանց ազատ մասնակցել ընտրություններին։

«Հավասար

ծառայությունների մատուցումը մեր կառույցի համար առաջնահերթություն է, և այս առումով միջազգային գործընկերոջ հետ անում է ամեն ինչ, որպեսզի տեղեկատվություն տրամադրի թե՛ նորությունների, թե՛ տարաբնույթ գործունեության մասին, որն իր հերթին ապահովում է ընտրողների իրազեկվածությունը և, իհարկե, իրազեկումը։ Հագեցված լինել առնվազն անհրաժեշտ տեղեկատվությունով, որը կարևոր է քվեարկությանը մասնակցելու համար, ինչպես նաև ստանալ տեղեկատվություն ընդհանրապես ժողովրդավարական գործընթացներում ընտրությունների կարևորության մասին։ Նման տիպի հանդիպումները շարունակվելու են։ Հիմնարկը երկար տարիներ ծրագրում և իրականացնում է բոլոր այն կարևոր աշխատանքները, որոնք անհրաժեշտ են ազգային փոքրամասնությունների ներկայացուցիչներին հասարակական կազմակերպությունների և տարբեր պետական ​​գերատեսչությունների ներկայացուցիչների հետ միասին մշտական ​​աշխատանքային խմբի ձևաչափով հավասար ծառայություններ մատուցելու համար։ Ըստ այդմ, այդ նպատակով այս տարի մենք ունեցանք կարևոր գործողություններ, որոնցում 8 վայրերում անցկացվեց պոտենցիալ շահագրգիռ անձանց հավաստագրման գործընթացը երկրի ազգային փոքրամասնությունների ներկայացուցիչների համար»,- ասել է Կալանդարիշվիլին։

Այսօրվա հանդիպմանը մասնակցում էին քաղաքացիական սեկտորի ներկայացուցիչներ, ովքեր հարցեր ուղղեցին ԿԸՀ նախագահին ընտրությունների հետ կապված տեխնիկական հարցերի վերաբերյալ։

Հանդիպումը կայացել է «Ընտրական համակարգերի միջազգային հիմնադրամի» (IFES) աջակցությամբ, որին մասնակցել են նույն կազմակերպության ներկայացուցիչը և էթնիկ փոքրամասնությունների հիմնախնդիրներով աշխատող խմբի ԿԸՀ Ռազմավարական Պլանավորման և հաշվապահական հաշվառման վարչություն ղեկավար Սոֆյա Սիճինավան։

"Ռադիո  Մառնեուլի"
Թարգմ․  ՝  Մարգարիտա  Միսկարյան