Տեղական ինքնակառավարման մարմինների ընտրություններում միայն «Վրացական երազանքն» է թեկնածուներ առաջադրել Մառնեուլիի 20 մեծամասնական ընտրատարածքներից չորսում: Մեծամասնական թեկնածուների ամենամեծ թիվը՝ 3-ը, գրանցված է Թամարիսի համայնքում: Թամարիսի համայնքի մեծամասնական թեկնածուներն են՝ «Պահպանողականներ Վրաստանի համար» կուսակցությունից Ջոնի Կոչկիանին, «Ուժեղ Վրաստան - Լելո» կուսակցությունից Եկատերինե Պարեխելաշվիլին և «Վրացական երազանք» կուսակցությունից Դիմիտրի Աբրամիշվիլին:

20 մեծամասնական ընտրատարածքներից միայն «Վրացական երազանքը» և «Ուժեղ Վրաստան - Լելո»-ն են թեկնածուներ առաջադրել 15-ում: «Գախարիան Վրաստանի համար» կուսակցությունը թեկնածու չի առաջադրել Մառնեուլիի որևէ մեծամասնական ընտրատարածքում: