Մարտի 1-ից սոցիալական նպաստ ստացող աշխատունակ
մարդկանց համար կմեկնարկի հանրային զբաղվածության լայնածավալ
ծրագիր։
Այդ մասին կառավարության նիստում հայտարարել է վարչապետ Իրակլի
Ղարիբաշվիլին։
«
Ինչպես գիտեք, մեր գերխնդիրը աղքատության հաղթահարումն է,
աշխատատեղերի ստեղծումը, իսկ ընդհանրապես սոցիալական
քաղաքականությունը պետք է փոխվի։ Մենք լավ գիտենք, որ աղքատության
հաղթահարման ճանապարհը նոր աշխատատեղերի ստեղծումն է։ Դրա համար այս
տարվանից պետք է ակտիվ զբաղվածության քաղաքականություն սկսենք։ Սա է
լինելու մեր հիմնական մտահոգությունը։ Գործող սոցիալական
քաղաքականությունը աշխատունակ, սոցիալապես անապահով քաղաքացիներին
մղում է անգործության։ 600 հազար սոցիալապես անապահով քաղաքացիներից
մինչև 200 հազարը և ավելին աշխատունակ են։ Նրանք բացարձակապես
մոտիվացված են օրինական աշխատանքի ընդունվելու համար։ Մենք, իհարկե,
պետք է օգնենք սոցիալապես անապահով տարեցներին, երեխաներին,
հաշմանդամություն ունեցողներին, բոլորին, ովքեր դրա կարիքն ունեն,
բայց աշխատունակ մարդիկ կարիք ունեն ոչ թե նպաստի, այլ աշխատանքի,
ինքնիրացման։ Յուրաքանչյուր ընտանիքի բարօրության, երկրի զարգացման
համար անհրաժեշտ է ունենալ աշխատունակ քաղաքացի, ով կարող է զբաղվել
տնտեսական գործընթացներով։
Այդ նպատակով մենք մարտի 1-ից կսկսենք այս գործընթացը և կսկսենք ակտիվ
զբաղվածության քաղաքականություն՝ կենտրոնացած աշխատունակ, սոցիալական
օգնություն ստացողների վրա, հանրային աշխատանքների զբաղվածության
լայնածավալ ծրագիր»,- ասել է Ղարիբաշվիլին։
Ռադիո Մառնեուլի»
Թարգմ․ ՝ Մարգարիտա Միսկարյան
Աղբյուր ՝
ინტერპრესნიუსი