Մառնեուլիի քաղաքապետարանը 32 աշխատակցի գործուղման համար ծախսել է 12705 լարի
2021 թվականի ընթացքում 32 աշխատակցի գործուղումը Մառնեուլիի
քաղաքապետարանին արժեցել է 12 1255 լարի։
«Ռադիո Մառնեուլին» տրամադրված գրության համաձայն՝ աշխատակիցները
գործուղվել են աշխատանքի և մասնագիտական աճի նպատակով։ «Ռադիո
Մառնեուլի»-ի հարցին տեղական ինքնակառավարումից չեն պատասխանել, թե
որքան ժամանակ և որտեղ են եղել։
«Քաղաքապետարանից հիմնականում ծառայողական և մասնագիտական աճի
մասով 32 աշխատակից է եղել, իսկ գործուղման ծախսերը կազմել են 12705
(տասներկու հազար յոթ հարյուր հինգ) լարի, ինչպես նաև Զինվորական
հաշվառման, զորակոչի գործուղման ծախսերը եւ մոբիլիզացիոն
ծառայություն»,- գրում է քաղաքապետարանը։
2021 թվականին հավելավճարների խնդրին վերաբերող մեկ այլ հարցի
վերաբերյալ էլ թերի տեղեկատվություն է տրվել։ Քաղաքապետարանից
խնդրեցինք հստակեցնել յուրաքանչյուր աշխատողի ստացած հավելավճարների,
պարգևների, հավելավճարների, խրախուսանքի կամ այլ լրացուցիչ
դրամական/նյութական նպաստների չափը։ Ի պատասխան՝ տեղեկացանք, որ մինչև
2021 թվականը աշխատակազմի մի մասը կօգտվի միանվագ հավելավճարից։
«Ռադիո Մառնեուլին» ևս մեկ անգամ նախատեսում է կրկնակի նամակով դիմել
քաղաքապետարան և խնդրել հստակեցնել անպատասխան մնացած հարցերը։
Ռադիո Մառնեուլի»
Թարգմ․ ՝ Մարգարիտա Միսկարյան