Միջգերատեսչական համակարգող խորհրդի
որոշմամբ՝ գործող սահմանափակումների մեծ մասը կհանվեն մարտ
ամսից։
Ինչ վերաբերում է բացօթյա տարածքում դիմակ կրելու պարտավորությանը,
ապա այսօրվա ճեպազրույցում հայտարարվեց, որ գործող սահմանափակումները
մնում են ուժի մեջ, հարցը կշարունակվի քննարկվել, և հենց որ
համաճարակային իրավիճակի բարելավման միտում դրսևորի, այդ
պարտավորությունը վերանայվի։
Խորհրդի որոշմամբ մարտ ամսից վերացվելու են հետևյալ
պարտավորությունները ՝
- Ռեստորաններում սեղանի շուրջ կթույլատրվի նստել 10 հոգու,
իսկ 15 հոգու բացօթյա տարածքում։ Մինչ այժմ թույլատրվել է 6 մարդ։
Հյուրերի առավելագույն քանակի սահմանափակումը հանված է։
- Համակարգող խորհրդի որոշմամբ՝ Վրաստանում կրկին
կթույլատրվի հարսանիքների և հոգեհանգստի արարողությունները։ Այս
դեպքում փակ տարածքում մեկ սեղանի շուրջ հնարավոր կլինի նստել 10
հոգով, իսկ բաց տարածքում՝ 15։
- Միջգերատեսչական համակարգող խորհրդի որոշմամբ՝ մարտի
1-ից, այսպես կոչված կովիդ-հյուրանոցներն այլևս չեն
գործի։
- Ջերմաչափման և դեզոբարիերիների պարտավորությունը
վերացվում է, իսկ հյուրանոցները կարող են հյուրերին սպասարկել բուֆետի
միջոցով։
- Մարտի 4-ից ակումբների գործունեությունը կթույլատրվի՝
օգտագործելով տարածքի միայն 60%-ը։
- Կոնֆերանսների ու սեմինարների անցկացումը մարտի 15-ից
կթույլատրվի առանց սահմանափակումների։ 70 հոգու սահմանափակումը
կհանվի։
«
Խորհուրդը դեռ աշխատում է այս ուղղությամբ , և մարտի 1-ից
այդ մեղմացումը կարող է էլ ավելի ընդլայնվել, բայց ակնհայտորեն ամեն
ինչ կախված կլինի համաճարակաբանական իրավիճակից»,- այս մասին
ասվել է այսօրվա ճեպազրույցում։
Հայտարարվել է նաև, որ Համակարգող խորհրդի նիստերը տեղի կունենան
երկու շաբաթը մեկ անգամ։
«Ռադիո Մառնեուլի»
Թարգմ․ ՝ Մարգարիտա Միսկարյան
წყარო:
პუბლიკა