Ըստ միջգերատեսչական համակարգող խորհրդի օպերատիվ շտաբի ղեկավար
Գիորգի Ղիբրաձեի, մարտի 1-ից կարանտինային տարածքները, այսպես կոչված
քովիդ-հյուրանոցները վերացվում են։
«
Մարտի 1-ից կվերացվեն կարանտինային տարածքները, այսպես
կոչված քովիդ-հյուրանոցները, ինչը նշանակում է, որ գործող
արձանագրության համաձայն՝ այսօրվանից կդադարեցվի վարակվածների մուտքն
այդ տարածքներ», - այս մասին ասել է Ղիբրաձեն համակարգող
խորհրդից հետո կայացած ճեպազրույցում։
Փետրվարի 22-ի դրությամբ Վրաստանում հաստատվել է կորոնավիրուսի 12101
նոր դեպք, ապաքինվել է 14764 մարդ, մահացել է 45 մարդ։
Վերջին 24 ժամվա ընթացքում կատարվել է ընդհանուր առմամբ 47486
հետազոտություն, այդ թվում՝ 33164 հակագենային թեստ և 14322 PCR
թեստ:
Ինչ վերաբերում է դրական ցուցանիշին, ապա փետրվարի 20-ի դրությամբ
դրականի օրական ցուցանիշը կազմում է 25,48%, վերջին 14 օրվա
ընթացքում՝ 30,65%, իսկ 7 օրվա ընթացքում՝ 28,55%:
«Ռադիո Մառնեուլի»
Թարգմ․ ՝ Մարգարիտա Միսկարյան