Հոկտեմբերի 9-ին Մառնեուլիի քաղաքապետարանում տեղի ունեցավ գինու փառատոն։ Գինու փառատոնի կազմակերպիչը Վրաստանի կառավարությունն է։ Մառնեուլիի քաղաքապետարանի ֆեյսբուքյան պաշտոնական էջում հրապարակված տեղեկատվության համաձայն՝ Վրաստանի վարչապետ Իրակլի Ղարիբաշվիլիի նախաձեռնությամբ ողջ երկրում անցկացվում է «Գինու օրեր 2022» փառատոնը։


«Միջոցառմանը ներկայացվել են գինու և գյուղմթերք արտադրողների արտադրանքը։ Ներկայացվեցին նաև ավանդական խոհարարական տարածքներ, որտեղ ներկաները համտեսեցին արտադրանքը։ Տեղի է ունեցել կավե և կերամիկական արտադրանքի ցուցահանդես-վաճառք։ Միջոցառմանը ներկա հանրությունը հնարավորություն ունեցավ ներկա գտնվել հացի թխման և եկեղեցական փորագրության վարպետության դասերին»։ - նշված է քաղաքապետարանի հայտարարության մեջ


Քվեմո Քարթլիի հոգաբարձու Գիորգի Դոխթուրիշվիլին, Մառնեուլիի քաղաքապետարանի քաղաքապետ Քենան Օմարովը, Մառնեուլիի և Գարդաբանիի մեծամասնական պատգամավոր Զաուր Դարգալին, Մառնեուլիի քաղաքապետարանի սակրեբուլոյի նախագահ Ամիրան Գիորգաձեն և այլ ներկայացուցիչներ ներկա են գտնվել գինու փառատոնին։

Հոկտեմբերի 9-ից 15-ը Վրաստանի 25 քաղաքներում կանցկացվեն «Գինու օրեր 2022»-ը։

«Ռադիո Մառնեուլի»
Թարգմ․ ՝ Մարգարիտա Միսկարյան