Մառնեուլիի քաղաքապետարանի տեղական իշխանությունները ծրագրում են Սայիմերլո գյուղում 1,431,737 լարիով կառուցված ծիսական շենքում տեղադրել կենտրոնացված ջեռուցման համակարգ՝ 60 հազար լարիով։

Մառնեուլիի քաղաքապետարանը 11 200 լարիի մրցույթ է հայտարարել քաղաքապետարանի 3 գյուղերի շենքերում կենտրոնացված ջեռուցման համակարգերի տեղադրման համար անհրաժեշտ նախագծային և ծախսային հաշվառման փաստաթղթերի պատրաստման ծառայությունների պետական ​​գնումների համար։ Մրցութային առաջարկի համաձայն՝ Սայիմերլո գյուղի բազմաֆունկցիոնալ շենքում, Ծերեթելի գյուղի վարչական միավորի, Խոժորնի գյուղի վարչական միավորի շենքում կտեղադրվի կենտրոնացված ջեռուցում։

Ըստ մրցութային նախահաշվի՝ գյուղերում նախատեսված աշխատանքների մոտավոր արժեքը հետևյալն է ՝

Մառնեուլիի քաղաքապետարանի Սայիմերլո գյուղի բազմաֆունկցիոնալ շենքում կենտրոնացված ջեռուցման նոր համակարգի տեղադրում (ներառյալ կաթսայատան կառուցումը) – 60000 լարի.
Մառնեուլիի քաղաքապետարանի Ծերեթելի գյուղի վարչական միավորի շենքում կենտրոնացված ջեռուցման նոր համակարգի տեղադրում (ներառյալ կաթսայատան կառուցումը) – 50.000 լարի.
Մառնեուլիի քաղաքապետարանի Խոժորնի գյուղի վարչական միավորի շենքում կենտրոնացված ջեռուցման նոր համակարգի տեղադրում (ներառյալ կաթսայատան կառուցումը) – 50.000 լարի.

Հատկանշական է, որ Մառնեուլիի մունիցիպալիտետի Սայիմերլո գյուղում ծիսական սրահի կառուցումն ավարտվել է 2024 թվականի սկզբին։ Մառնեուլիի քաղաքապետարանի տեղական իշխանությունները 2022 թվականի հոկտեմբերի 12-ին պայմանագիր են կնքել «Գիկո» ՍՊԸ-ի հետ՝ 1 301 599 լարի և 81 թեթրի արժողությամբ։ 2023 թվականի մարտի 10-ին պայմանագրում փոփոխություններ են կատարվել, և քաղաքապետարանը ընկերությանը լրացուցիչ միջոցներ է հատկացրել շենքի կառուցման համար,  փոփոխված պայմանագրով «Գիկո» ՍՊԸ-ն աշխատանքներն իրականացրել է 1 431 737 լարիով և 81 թեթրիով։

Թեև Սայիմերլոյի ծիսասրահի շինարարությունն ավարտվել է արդեն  մեկ տարի, սակայն դահլիճը դեռևս չի գործում։


"Ռադիո  Մառնեուլի"

Թարգմ․ ՝ Մարգարիտա Միսկարյան