Marneulidə Rustaveli küçəsinin bir hissəsi bu
gün, 20 mart səhər saatlarından bağlanıb. Yolun bağlanmasına səbəb
Novruz bayramına həsr olunmuş tədbirlərə
hazırlıqdır.
Konsertlər və tamaşalar, həmçinin müxtəlif
guşələr məhz Rustaveli küçəsində, meriya qarşısında baş
tutacaq.
Marneuli meriyasından “Marneuli” radiosuna verilən məlumata görə,
yol sabah tədbir başa çatdıqdan sonra axşam saatlarında
açılacaq.
Avtomobillər alternativ yolla hərəkət etməli olacaqlar. Alternativ
yol “Ata Holdinq” idman kompleksinin yanından keçərək 4 saylı uşaq
bağçasının yanından çıxır.
Marneuli şəhərində küçələrin adları qeyd olunmuş nişanlar yoxdur.
Buna görə də, əgər “Ata Holdinq” və ya 4 saylı uşaq bağçasının
harada olduğunu bilmirsinizsə, sadəcə maşın axınına qoşulmalı
olacaqsınız və yenidən Rustaveli küçəsinə çıxacağınıza ümid
edəcəksiniz.