İmamquliyev deyir ki, onun təqdimatında qadınlar havanın pis olmasına görə iştirak edə bilməyiblər
14:16 / 24.03.2019
24 mart
tarixində “Avropalı Gürcüstan” partiyası Marneuli merliyinə namizəd
olaraq Əhməd İmamquliyevi təqdim edib.Marneulidə mer seçkiləri güman ki, 19 may
tarixidnə baş tutacaq.
Namizədin təqdimatında İmamquliyevin 100-ə qədər dəstəkçisi və
partiya liderləri iştirak edirdilər. Amma görüşdə heç bir qadın yox
idi. Bizimlə söhbəti zamanı merliyə namizəd Əhməd İmamquliyev dedi
ki, görüşdə qadınların iştirak etməmə səbəbi havanın pis
olmasıdır.
“Dünən biz hava proqnozuna baxdıq və təqdimatı burada
deyil parkda etməli idik, amma hava yağışlı görsənirdi və buna görə
bu yeri seçdik. Bu yer kiçikdir və buna bir gecədə qərar verildi
ki, kimin imkanı var onlar gəlsinlər və artıq xanımları narahat
etmədik” – Əhməd İmamquliyev Marneulidə qadınların
görüşlərə gətirilməsinin problemli məsələ olduğunu qeyd edir, amma
deyir ki, seçki qabağı kampaniya zamanı o, hər bir seçicinin yanına
gedəcək və onalr arasında əlbəttə qadınlar da olacaq.
Qadınların namizəd təqdimatında iştirak etməməsi, Marneulinin
siyasi “oyunlarından” uzaqlaşdığı ilk hal deyil. Marneulinin keçmiş
meri Temur Abazv mer vəzifəsində olarkən əhali ilə ilk görüşünü
Qaçağan kəndində keçirmişdi.
Qadınlar heç o görüşə də getməmişdilər. Abazov "Marneuli" radiosuna
verdiyi müsahibəsində demişdi ki, qadınların görüşdə iştirak etməmə
səbəbi həmin vaxt kişilərə nahar hazırlamalıdır və ola bilsin buna
görə görüşə gələ bilməyiblər.