“Gürcü Arzusu”nun Marneuli meri vəzifəsinə
namizədi Zaur Darğallı əmindir ki, seçkiləri birinci turdaca
qazanacaq.
O,
bu barədə “Interpressnews” ilə söhbəti zamanı deyib. “Avropalı
Gürcüstan” partiyasının mer vəzifəsinə namizədi Əhməd İmamquliyev
Zaur Darğallının bu sözlərinə münasibət bildirib və deyib ki, onun
uduzmaq şansı daha çoxdur, nəinki qazanmaq.
“Marneulidə 7 il ərzində “Gürcü Arzusu” bir daş
qoymayıb. Mümkündür ki, Zaur Darğallı bu seçkilərdə birinci turda
məğlub olsun. Əgər Zaur bunun birinci turda bitməyini arzulayırsa,
biz seçicilərin çoxluğunun səsini qazanmaq üçün əlimizdən gələni
edəcəyik və cənab Zauru birinci turdaca məğlub
edəcəyik”, – Əhməd İmamquliyev deyib.
Əhməd İmamquliyev və Zaur Darğallı hələ ki, konkret seçkiöncəsi
proqramları barədə danışmırlar.
Marneulidə növbədənkənar mer seçkiləri 19 may 2019-cu ildə
keçiriləcək.