Marneulidə əsrdən çoxdur ki, suyu olmayan kənd
Xudor-Lejbəddində yaşayan Məhəmməd Səfərov
amortizasiya olmuş yolda hər gün su şüşələri ilə yüklü arabanı
güclə tərpədir. İçməli suyu evə aparmaq üçün kilometrlər qət etməli
olur.
Əgər
desək ki, tezliklə Marsda gürcü üzümünü yetişdirmək üçün
hazırlaşırlar və ABŞ-ın Milli Aeroneft və kosmos
administrasiyasının (NASA) bəyanatına görə, Marsa ilk dəfə ola
bilsin qadın ayaq basacaq yəqin ki, Yer kürəsində yaşayan Səfərovun
gülməyi gələr.
“Suyumuz yoxdur, yazıq əhali... hamı gəlir bizə deyir
düzəldəcəyik, ancaq çalırlar, maaş alırlar və bizdə heç nə
dəyişmir. Suyu evə gətirmək üçün (daçka ilə) bir kilometr yol qət
etməli oluruq. Acırıq, susayırıq, çörək bişirmək lazımdır və xörək
hazırlanmalıdır suyumuz isə yoxdur. Deyirlər düzəldəcəyik, nə
bilim” – Xudor-Lejbəddin sakini Səfərov deyir.
Xudor-Lejbəddin Marneulidən təqribən 25 km-də yerləşir. Kənd əsrdən
çoxdur ki, mövcuddur. Ancaq bura üçün su amortizasiya olunmuş
yollar və evlərin qarşısında qanunsuz yaradılmış zibilliklər qədər
problemlidir.
Kənddə suyun olmamasını bütün ailələrdə “umivaniklərin” (əl-üz
yuyan) durması da təsdiqləyir.
Sakinlərin bildirdiyinə görə, su əldə etmək üçün alternativ yolları
özləri axtarıb və kustar üsulla bulaq düzəldiblər.
Suyun içmək üçün nə dərəcədə faydalı olması haqqında məlumatları
yoxdur. Çox hallarda çimmək üçün arx suyundan da istifadə
edirlər.
“İçməli su Algetidə bulaq var və oradan götürürük. Bu
da böyrəklərdə daş yaradır. Analiz etmirlər, xalq isə içir. Çimmək
suyu üçün qonşulara gedirik və kimin həyətində düzəldilmiş su
quyuları var oradan gətiririk. Bəzən çimmək üçün arx suyu
gətiririk. O da gah gəlir gah da yox” - kənd sakini
deyir.
“Uşaqları arx suyu ilə çimizdiririk, bəzən alergiya
bəzən də başqa xəstəliklər əmələ gəlir. Gigiyenik normaları qorumaq
üçün suyu nümunə üçün də gətirmirlər” - kənd sakini
deyir.
Susuzluğa məktəb yaşlarından alışmağa başlayırlar. Gigiyena
normalarını qorumaq üçün belə su yoxdur. Xutor-lejbəddin ictimai
məktəbində yeni ayaqyolu tikilib, lakin əl yumaq üçün kran belə
yoxdur.
Ayaq yolundan çıxan şagird əllərini evdə yumalı olur. Təmiz suyun
əlçatanlığı əhalinin konstitusional hüququdur. Göründüyü kimi
yerlilər bu haqda bilmirlər. İcmada problemləri həll etmək yerli
özünüidarənin öhdəliyidir. Marneuli meriyasından izah edirlər ki,
bələdiyyə üçün üstünlüklərindən biri içməli su ilə təmin
olunmaqdır, ancaq buna baxmayaraq Xudor-Lejbəddində 2019-cu ildə bu
baxımdan yaxşı heç nə planlaşdırılmır.
“Xudor-Lejbəddin kimi bələdiyyədə su sistemi olmayan
kəndlər yenə də qalmaqdadır. Yerli özünüidarəetmə mərhələli olaraq
işləri həyata keçirir. Yerli əhali ilə Xudor-Lejbəddində “kənd
yığıncağı” çərçivəsində görüşən zaman üstünlük olaraq bayır
işıqlandırması sisteminin qurulmasını hesab etdilər. Ona görə də bu
il bələdiyyə müvafiq tədbirləri həyata keçirəcək” –
meriyanın İctimaiyyətlə əlaqələr şöbəsinin rəhbəri Mariam Xaçidze
deyir.
Qafqaz üzrə Ətraf Mühitin Mühafizəsi qeyri-hökumət təşkilatları
şəbəkəsi (CENN) ətraf mühitin mühafizəsi istiqamətində olan yerli
və regional problemlərin həlli üçün fəal çalışır. Onların cəhdi ilə
Marneulidə çox layihələr işlənilib. CENN-in layihələr üzrə
koordinatoru Mariko Dzikoridze suyun vacib ehtiyac olması və
əhalinin məlumatlandırmasının aşağı səviyyəsi haqqında danışır.
“Əhali ümuiyyətlə kimə müraciət edəcəyini və necə su
içdiyini bilmir. Hesab edirlər ki, kənd proqramı çərçivəsində
üstünlüklərin nə olduğunu soruşurlar, nə edə bilərik, hamı düşünür
ki, bu mütləq ayinlər evi və ya infrastruktur layihələri olmalıdır.
Müvafiq olaraq burada məlum olur ki, öz hüquqlarımız haqqında heç
nə bilmirik” – Mariko Dzikoridze deyir.
Dzikoridzenin dediyinə görə, əsas məsuliyyətli orqan su təchizatı
şirkətidir. Xudor-Lejbəddinlə bağlı öhdəliyi “Rustav Tsğali” MMC
(Rustavu su) götürüb və qaydaya əsasən onlar üçün bu məsələ yeni
deyil. Ancaq göründiyi kimi problemin həlli üçün strategiya
işlənilməyib və vaxt qazanmaq məqsədi ilə rəsmi məktubla müraciət
etməyi tələb edirlər.
Şirkət cavab verənə qədər unutmamalıyıq ki, Assosiasiya sazişi ilə
götürülən öhdəlik özlüyündə əhalinin hüquqlarının qorunmasını çox
istiqamətlərdə nəzərdə tutur. Onun yerinə yetirilməsi isə gec ya
tez mütləq məcburi olacaq.