Marneuli Sosial Xidmət Agentliyinin işçiləri də tətilə qoşuldular
Marneuli Sosial
Xidmət Agentliyinin iki əməkdaşı da ötən gün tətilə
qoşulublar.
Sosial Xidmət Agentliklərinin işçiləri 25 mart
tarixində Gürcüstan miqyasında tətilə başlayıblar.
Onların əsas tələbləri münasib iş şəraiti, tənzimlənən iş qrafiki
və yerinə yetiriləcək işlərin sayının adekvat olmasıdır. Sosial
xidmət işçiləri bildirirlər ki, çox vaxt benefisiarlarla görüşməyə
öz xərcləri hesabına getməli olurlar.
Marneuli Sosial Xidmət Agentliyinin rəhbəri Mamuka Şubitidze
bizimlə söhbəti zamanı bildirdi ki, Sosial Xidmət Agentliyi normal
qaydada işləyir və tətil edən işçilərin funksiyaları rəhbər və baş
mütəxəssislərə həvalə olunub.