Marneulidə mer seçkilərinə iki aydan az bir
vaxt qalıb. Marneuli meri vəzifəsinə hələlik iki namizəd
var.
Onlardan biri “Gürcü Arzusu”nun namizədi Zaur
Darğallı, digəri isə “Avropalı Gürcüstan”ın namizədi Əhməd
İmamquliyevdir.
Növbədənkənar seçkilər 19 may tarixində keçiriləcək. Bu isə o
deməkdir ki, seçilmiş mer öz səlahiyyətlərini qanunvericilikdə
nəzərdə tutulduğu kimi 4 il deyil, növbəti yerli özünüidarə
seçkilərinə qədər icra edəcək.
Gürcüstanda növbəti yerli özünüidarə seçkiləri isə 2021-ci ildə,
güman ki, oktyabr ayında keçiriləcək. Məhz buradan irəli gələrək,
Marneulinin yeni seçiləcək meri vəzifələrini 2 il 5 ay müddətində
icra edəcək.