Marneuli Təhsil Resurs Mərkəzi fəal məktəb
həyatının nümayişi baxımından birinci yeri tutur. Bu barədə məlumat
bir neçə həftə öncə etaloni.ge saytında
yayımlanıb.
Fəal
məktəb həyatının nümayişi dedikdə isə müxtəlif layihələrdə iştirak,
tədbirlərin keçirilməsi və nailiyyətlərin qazanılması nəzərdə
tutulur. Etaloni.ge-nin meneceri Tako Tkeşelaşvili məktəblərin
fəallığını yüksək qiymətləndirir.
“Bizim saytımız müntəzəm olaraq reytinqləri açıqlayır.
Bunda məqsəd fəal məktəblərin, bələdiyyələrin və ya resurs
mərkəzlərin göstərilməsidir. Son reytinqə əsasən, Marneuli
bələdiyyəsi fəal məktəb həyatında iştirak baxımından liderdir. Bu,
əlbəttə, Marneuli məktəblərinin, direktorların, pedaqoqların,
resurs mərkəzlərin nailiyyətidir. Onların iştirakı 100%-dir. Bu isə
o deməkdir ki, Marneulidəki 74 məktəbin hamısı bizim saytımıza
qoşulublar və bundan fəal şəkildə istifadə edirlər və məktəb
həyatının nümayişində gündəlik iştirak edirlər”, –
Tako Tkeşelaşvili deyir.
Tkeşelaşvilinin dediyinə görə, Marneulinin bütün məktəblərində
əlaqələndirici şəxslər var ki, həmin şəxslər keçirilmiş tədbirlər,
əldə olunmuş nailiyyətlər və həyata keçirilən layihələrlə bağlı
onlara məlumat verirlər və daha sonra bütün bunların tanıdılması
işləri aparılır.
Marneuli Təhsil Resurs Mərkəzinin rəhbəri Kənan Ömərov 100%-lik
nəticəni əlavə motivasiya mənbəyi hesab edir.