Marneuli Sosial Xidmət Agentliyinin işçiləri tətilin səbəbləri barədə danışır
Teona Sisvadze
Marneuli rayon şöbəsinin sosial işçisidir və Marneulidə tətilə
qoşulub. Gürcüstan miqyasında sosial işçilər 25 martda tətilə
çıxıblar.
Bizimlə söhbəti zamanı Sisvadzenin verdiyi
açıqlamaya görə o, ağır şəraitdə çalışırmış. Tətilə səbəb olaraq 22
bəndlik plan yazıblar, ancaq indiki mərhələdə 6 məsələnin həllini
dərhal tələb edirlər.
“Altı bəndi seçmişik və dərhal yerinə yetirilməsini
istəyirik. Bu benefisiarlara səfər etmək və maneəsiz hərəkət etmək
üçün nəqliyyat, turist və psixoloqların əlavə edilməsidir. Çünki
psixoloq tələbi o qədərdir ki, benefisiarlar növbə gözləməli
olurlar. Əmək haqqı tələbimiz var, çünki vəzifəmizi yerinə yetirən
zaman öz xərcimizlə hərəkət etməli oluruq və çox hallarda
xeyriyyəçilik də edirik. Benefisiarların elementar qida məhsulu
olmayanda alıb veririk. Eləcə də proses nümayəndəsinin
uzaqlaşdırılmasını tələb edirik. Çünki olduqca çox vaxt və böyük
enerji tələb edir” – Teona Sisvadze deyir.
Teona kimi tətilə daha bir sosial işçi Ketevan Qvaramadze də çıxıb.
Sisvadzenin sözlərinə görə onların tələblərini yerinə yetirməyənə
kimi işə qayıtmayacaqlar.
Bizimlə söhbət zamanı Marneulinin Sosial Xidmət Agentliyinin
rəhbəri Mamuka Şubitidzenin dediyinə görə, sosial xidmət maneəsiz
çalışır və tətilə çıxmış sosial işçilərin funksiyası baş və əsas
mütəxəssislərə bölünüb.
Netgazetinin yazdığına görə Səhiyyə Nazirliyi bildirir ki, tətilə
çıxan işçilərin tələblərinin bir hissəsi yerinə yetirilib, digər
hissəsinin isə yerinə yetirilməsi gedir və bir hissəsi üçün
fəaliyyət planı qüvvədədir.
Nazirliyin sözlərinə görə onların “ilkin məqsədi
benefisiarlara bu sosial xidmətin davamlı rejimdə maneəsiz
çatdırılmasıdır. Bunu isə sosial fəaliyyət nəzərə alır və sosial
işçi həyata keçirir”.
Nazirliyin bəyanatına görə sosial işçilərin gücləndirilməsi 2018-ci
ildən başlayıb.
“Nəqliyyat məsələsi yarı həll olunub. Hər bir regiona bir maşın
verilib və 24 saat ərzində sosial işçilərin xidmətindədir. Lazım
olan halda onlara əlavə maşın da ayrılacaq. Bu əlbəttə yetərli
deyil, əlavə resurslar əldə etmək üçün çalışmalar davam edir və
tərəfdaş dövlət müəssisələri ilə nazirliklərə maşınların verilməsi
ilə bağlı danışıqlar gedir. Bundan əlavə Tbilisidə sosial işçilərin
xüsusi kartları var və ondan ictimai bələdiyyə nəqliyyatında
güzəştli qiymətə istifadə edirlər” – Səhiyyə
Nazirliyinin 27 mart tarixinə olan bəyanatında qeyd olunur.