“Marneuli” radiosunun direktoru Kamilla
Məmmədova “Jurnalistlər sosial dəyişikliklər naminə” müsabiqəsinin
qaliblərindən biridir.
Kvemo Kartlidə fəaliyyət göstərən təşkilatlar Kamilla Məmmədovanı
ən obyektiv adlandırıblar.
Müsabiqə “Mülki inkişaf təşəbbüsləri” layihəsi çərçivəsində
keçirilib. Həmin layihə Avropa İttifaqı və Konrad Adenauer Fondunun
dəstəyi ilə Mülki Cəmiyyət İnstitutu tərəfindən həyata
keçirilir.
Müsabiqənin məqsədi Gürcüstanın bölgələrində fəaliyyət göstərən
mülki cəmiyyət qarşısında duran problemləri və ictimai
təşkilatların fəaliyyətlərini obyektiv və peşəkar şəkildə
işıqlandıran jurnalistlərin aşkarlanmasıdır.
Mülki Cəmiyyət İnstitutu qalib gəlmiş jurnalistlərin aşkarlanması
üçün Gürcüstanın 10 bölgəsində sorğu keçirib.