Marneuli meriyasında hal-hazırda 215 nəfər
çalışır. Bunlardan 197 nəfəri tam ştatlı işçi, 18 nəfəri isə
ştatdankənar əməkdaşdır.
Meriyada ən çox adam inzibati xidmətdə işləyir. Bu xidmətin 111
əməkdaşı var ki, bunun da səbəbi bələdiyyəyə daxil olan 18 inzibati
ərazi vahidliyində merin nümayəndəsi və onların 62 köməkçisinin
olmasıdır.
Meriyada tam ştatlı işçilərdən ən az maaşı üçüncü dərəcəli kiçik
mütəxəssislər alırlar. Onların maaşı 750 lari təşkil edir. Ən
yüksək əməkhaqqını isə mer alır, onun aylıq maaşı 4 100 laridir.
Merdən sonra ən yüksək maaşı onun müavinləri alırlar. Merin birinci
müavini 3 700 lari, ikinci müavini isə 3 400 lari əməkhaqqı
alır.
Meriyada mövcud olan 8 xidmətin rəhbərləri maaş qismində 2 300 lari
alırlar, onların tabeçiliyində olan 19 şöbənin rəhbərləri isə 1 800
lari alırlar.
Marneuli bələdiyyəsinin 2019-cu ilin büdcəsinə əsasən, meriyada
çalışan işçilərin ümumi maaşı üçün 3 765 100 lari xərclənəcək.