Repçi Nato Zaur Darğallı üçün mahnı yazıb
"Marneuli"
radiosunun məlumatına görə “Gürcü arzusu”nun Marneulidən merliyə
namizədi Zaur Darğallıya repçi Nato seçki qabağı mahnı
yazıb.
Bizim məlumatımıza görə mahnıda aksent namizədin adına edilib.
Məlumatı dəqiqləşdirmək üçün Marneulili repçi, Afiq Novruzov
(“Nato”) ilə əlaqə saxladıq və o, məlumatı təsdiqlədi. Ancaq əlavə
təfərrüatların yayılmasından çəkinərək “eksklüzivi özü
saxladı”.
Marneulidə seçkiqabağı kampaniya başlayan zaman son illərdə
namizədlər üçün mahnı yazılması tendensiyaya çevrilib. İlk belə hal
2016-cı ildə parlament seçkiləri zamanı qeydə alınıb. Hazırda
merlik uğrunda mübarizə aparan Əhməd İmamquliyev üçün yazılan mahnı
üzərində də Afiq Novruzov (“Nato”) işləmişdi.
“Nato” yalnız İmamquliyevə yazılmış mahnı üzərində çalışmayıb. Onun
yaradıcılığının daha bir nümunəsi Marneulinin keçmiş meri Temur
Abazova həsr etdiyi musiqidir. Həmin mahnı 2017-ci ildə yerli
özünüidarəetmə seçkilərində yazılıb.