Mərkəzi Seçki Komissiyası Marneulidə
növbədənkənar mer seçkilərin tarixini rəsmi olaraq təyin
edib.
Marneulidə seçkilər 19 may tarixində keçiriləcək. Rəsmi tarixin
elan olunmasından sonra isə seçkiöncəsi kampaniya rəsmi olaraq
başlayıb.
“Gürcü Arzusu”nun Marneuli meri vəzifəsinə namizədi Zaur
Darğallının rəsmi “Facebook” səhifəsi yaradılıb, səhifənin adı
„ზაურ დარგალი მარნეულის მერად“/Zaur Dargali-dır.
“Avropalı Gürcüstan”ın mer
vəzifəsinə namizədi Əhməd İmamquliyev isə 2016-cı il Parlament
seçkilərindən öncə yaradılmış “Facebook” səhifəsindən istifadə
edir.
Hələlik Marneuli meri vəzifəsinə 4
nəfərin namizədliyi məlumdur. “Gürcü Arzusu”nun namizədi Zaur
Darğallı, “Avropalı Gürcüstan”ın namizədi Əhməd İmamquliyev,
müstəqil namizəd Əli Bədirov və “Milli Hərəkat”ın namizədi Aqil
Mustafayev olacaq, lakin Marneuli 22 saylı Dairə Seçki
Komissiyasının sədri Koba Asanidzenin “Marneuli” radiosuna verdiyi
məlumata görə, hələlik bun namizədlərdən heç biri rəsmi olaraq
qeydiyyatdan keçməyib.
Marneuli meri vəzifəsinə rəsmi qeydiyyatın vaxtı seçki gününə 30
gün qalmış tamamlanır. Buradan irəli gələrək 20 aprel tarixində
artıq mer vəzifəsi uğrunda neçə nəfərin mübarizə aparacağı məlum
olacaq.
P.S. Baxmayaraq ki, seçkilər təyin olunub və keçmiş merin
səlahiyyətləri dayandırılıb, sabiq mer Temur Abazovun „თემურ
აბაზოვი მარნეულის მერი“ səhifəsi hələ də fəaliyyət göstərir.